އަބޫދާބީގެ އަލް ބާޚިއާ ސަރަހައްދައް މިސައިލެއް ކާރެއްގެ މައްޗައް ވެއްޓި ފަލަސްތީނު ރައްޔިތެއް މަރުވެއްޖެޔެެެވެ.
އަބޫދާބީގެ ކަމާބެހޭ ފަރާތްތަކުން އެކްސްގައި ކުރި ޕޯސްޓްއެއްގައި ބުނީ ކަމާބެހޭ ފަރާތްތަކުން އަލް ބާޚިއާ ސަރަހައްދަ މިސައިލެއް ވެއްޓި ކާރެއް އޭގައި ދަށުވުމުގެ ރިޕޯޓް ލިބުމުން އެ ސަރަހައްދަށް ގޮސްފައިވާ ކަމަށާއި، އަދި ވަނީ ރަސްމީ މަސްދަރުތަކުން މައުލޫމާތު ހޯދުމަށް އިލްތިމާސް ކޮށްފައެވެ.
އަބޫދާބީގެ ކަމާއި ބެހޭ ފަރާތްތަކުން، ވެެއްޓުނު މިސައިލްއަކީ ވަކި ޤައުމެއްގެ މިސައިލެއް ކަމެއް ކަށަވަރު ކޮށްފައެއް ނުވެއެވެ. ސޯޝަލް މީޑިއާ އިން ގިނަ މީހުން ބުނަނީ ވެއްޓުނީ އަބޫދާބީގެ އިންޓަސެޕްޓިންގް މިސައިލެއް ކަމަށެވެ.
ރޭގެ ވަގުތެއްގައި އިރާނުން ވަނީ ދުބާއީ އިންޓަނޭޝަނަލް އެއާޕޯޓަށްްވެސް ހަމަލާދީފައެެވެ. އަދި އެ ހަމަލައިގެ ސަބަބުން ދުބާއީ އިންޓަނޭޝަނަލް އެއާޕޯޓްގެ އޮޕެރޭޝަންތަކަށް ވަނީ ބުރުއަރައިފައެވެ.
ދުބާއީއަށް ރޭ ދިން ހަމަލާތަކުގައި އެއްވެސް މީހަކަށް އަނިޔާއެއް ލިބިފައިވާކަމަށް ރިޕޯޓްކޮށްފައެއް ނުވެއެވެ. މިއަދުވެސް ދުބާއީއަށް ދިން ހަމަލާތަކުގައި އެެއްވެސް މީހަކަށް އަނިޔާއެއް ލިބިފައިވާކަމަށް ރިޕޯޓްކޮށްފައެއް ނުވެއެވެ.
އިރާނުން ދަނީ 28 ފެބްރުއަރީން ފަށައިގެން އެމެރިކާއާއި އިޒްރޭލުން ދެމުންދާ ހަމަލާގެ ބަދަލު ހިފުމުގެ ގޮތުން ޔޫ.އޭ.އީ ގައި ހުންނަ އެމެރިކާގެ އަސްކަރީ މަރުކަޒުތަކަށް ހަމަލާ އަމާޒު ކުރަމުނެްނެވެ.
Advertisement
This content is created and paid for by advertisers and does not involve Voice Journalists
