ޝައްވާލް މަހުގެ ހަނދު ސާބިތު ކުރުމާއި ގުޅޭގޮތުން ފަލަކީ ކޮމެޓީން ބައްދަލްވެ މިރޭ ވަނީ ގޮތް ނިންމާފަ އެވެ. އެ ބައްދަލްވުމަށް ފަހު ނިންމި ނިންމުން އިއުލާނު ކޮށްދެއްވީ ދީނީ އިލްމުވެރިޔާ އުސްތާޛާ ހައްވާ ލަޠީފެވެ.
ކޮންމެ އަހަރަކު ވެސް ރަމަޟާން މަހުގެ ހަނދު ސާބިތުކުރުމާއި ޝައްވާލް މަހުގެ ހަނދު ސާބިތު ކުރުމާއި ގުޅޭގޮތުން ގޮތް ނިންމާ އެކަމާއި ގުޅޭ ބަޔާން އިއްވުން އޮވެ އެވެ. މިރޭ އޮތް ބައްދަލްވުމަށް ފަހު އުސްތާޛާ ހައްވާ ލަޠީފް ބައްޔާން އިއްވެވުމާއެކު އެކަމަނާ ވަނީ ތާރީހުން ޖާގަ ހޯއްދަވާފަ އެވެ. ޚާއްސަ ޝަރަފެއް ވަނީ ލިބިވަޑައިގެންފަ އެވެ.
އިލްމުވެރިޔާ އުސްތާޛާ ހައްވާ ލަޠީފް މިރޭ ބަޔާން އިއްވަވަނީ --
އެއީ ރާއްޖޭގައި ހަނދާ ބެހޭ ބަޔާނެއް އިއްވެވި ފުރަތަމަ އަންހެން ބޭފުޅަށް އެކަމަނާ ވެވަޑައިގަތުމެވެ. މި އަހަރުގެ ކުރީން މިފަދަ ހުރިހާ ބަޔާންތަކެއް އިއްވަވާފައިވަނީ ފިރިހެން ބޭފުޅުންނެވެ.
ހުކުރު ޚުތުބާ ލިޔުއްވި ފުރަތަމަ އަންހެން އިލްމުވެރިޔާ
އުސްތާޛާ ހައްވާ ލަޠީފަށް މީގެ ކުރީން އެހެން ޝަރަފެއް ވެސް ލިބިވަޑައިގެންފައިވެ އެވެ. އެއީ ހުކުރު ޚުތުބާއެއް ލިޔުއްވި ފުރަތަމަ އަންހެން އިލްމުވެރިއަކަށް އެކަމަނާ ވެވަޑައިގަތުމުންނެވެ.
އިލްމުވެރިޔާ އުސްތާޛާ ހައްވާ ލަޠީފް މިރޭ ބަޔާން އިއްވަވަނީ --
"އާއިލީ ގުޅުން ދެމެހެއްޓުން" މި ނަމުގައި އެކަމަނާ ލިޔުއްވި ހުތުބާ ކިޔާފައިވަނީ އޮގަސްޓް 9, 2024 ގަ އެވެ. މި ހުތުބާއަށް އެހެން ޝަރަފެއް ވެސް ވެ އެވެ. އެއީ ފުރަތަމަ ފަހަރަށް އިނގިރޭސި ތަރުޖަމާއާއެކު ގެނެސްދިން ޚުތުބާ ވެސް މެ އެވެ.
ހައްވާ ލަޠީފް ހުންނެވީ އިސްލާމިކް މިނިސްޓްރީގެ ޑެޕިއުޓީ މިނިސްޓަރުގެ މަގާމުގަ އެވެ.
Advertisement
This content is created and paid for by advertisers and does not involve Voice Journalists
