ސާފް ޗެމްޕިއަންޝިޕް 20 އަހަރުން ދަށުގެ މުބާރާތުގެ މެޗްތަކުގެ ޓިކެޓް މިއަދު ވިއްކަން ފަށައިފިއެވެ.

އެފްއޭއެމުން ބުނީ މުބާރާތުގެ ޓިކެޓް މިއަދުން ފެށިގެން، ގަލޮޅު ދަނޑުގެ ޓިކެޓް ކައުންޓަރާއި ޒުވާނުންގެ މަރުކަޒުން ވިއްކަމުންދާނޭކަމަށެވެ. ޓިކެޓްގެ އަގުތައް އުޅެނީ 15 ރުފިޔާ އާއި 25 ރުފިޔާއަށެވެ. އެއީ ސިޑި ބަރިންނަމަ 15 ރުފިޔާއަށެވެ. އަދި ގޮނޑުތަކުންނަމަ، 25 ރުފިޔާ އަށެވެ. ގަލޮޅު ދަނޑުން ޓިކެޓް ވިއްކަމުންދާނީ ގޭޓް ނަމްބަރު ދޭކާ ދިމާލުންނެވެ. 

އެފްއޭއެމުން ބުނީ ޓިކެޓް ވިއްކުމަށް ނިންމާފައިވަނީ، ދުވާލުނަމަ، އިރުއޮއްސި ހައެއް ޖަހަންދެނެވެ. އަދި ރޭގަނޑު 8 ކުން ފެށިގެން 10:00 ގެ ނިޔަލަށެވެ.

ސާފް ޗެމްޕިއަންޝިޕް މުބާރާތް ކުރިއަށްދާނީ މިހިނގާ މާޗްމަހުގެ 23 ހުން ފެށިގެން އަންނަ އޭޕްރިލް މަހުގެ 3 ވަނަ ދުވަހުގެ ނިޔަލަށެވެ. މުބާރާތުގައި ރާއްޖެ ހިމެނެނީ، ބޫޓާން، ނޭޕާލް އަދި ސްރީލަންކާ ހިމެނޭ ގްރޫޕް އޭ ގައެވެ. 

މުބާރާތުގެ ފުރަތަމަ މެޗްގައި އަންނަ ހޯމަދުވަހު ރާއްޖެ ނިކުންނާނީ ސްރީލަންކާ އާ ދެކޮޅަށެވެ. މި މެޗް ކުޅުމަށް ހަމަޖެހިފައިވަނީ އދުވަހުގެ ރެއެެވެ.