ރާއްޖެ އެތެރެކުރަން އުޅުނު 11 ކިލޯގެ ޑްރަގް އަތުލައިގެންފި އެވެ.

މޯލްޑިވްސް ކަސްޓަމްސް ސާރވިސް އިން މިއަދު ބުނީ މި މަހުގެ 20 ވަނަ ދުވަހު ވައިގެ މަގުން ރާއްޖެ އެތެރެކުރަން އުޅުނު 11 ކިލޯއަށް ވުރެ ގިނަ މަސްތުވާތަކެތި އަތުލައިގެންފައިވާ ކަމަށެވެ.

މިއީ ކެނަބިސް ފަތާއި ހަޝިޝް އޮއިލް އެެވެ. އެގޮތުން ފަސް ކިލޯއަށް ވުރެ ގިނަ ކެނަބިސް އެތެރެކުރަން އުޅުނެވެ. އަދި 6.5 ކިލޯގެ ހަޝިޝް އޮއިލް ވަނީ އަތުލައިގެންފަ އެވެ.

މިތަކެތީގެ މަގުމަތީ އަގު 9.6 މިލިއަނަށް ވުރެ އިތުރު ކަމަށްވެސް ކަސްޓަމްސް އިން ބުންޏެވެ.