20 އަހަރުން ދަށުގެ ސާފް ޗެމްޕިއަންޝިޕް ފުޓްބޯޅަ މުބާރާތުގައި މިއަދު ދިވެހިރާއްޖެ ނޭޕާލާ ދެކޮޅަށް ކުޅުނު މެޗް އެއްވަރުވެ، ރާއްޖެއަށް މުބާރާތް ނިމިއްޖެއެވެ.

ގަލޮޅު ދަނޑުގައި ކުޅުނު މިމެޗް ނިމުނީ 1-1 ގެ ނަތީޖާއިންނެވެ. މެޗްގައި އެންމެ ފުރަތަމަ ލަނޑެއް ޖަހައި ކުރިހޯދީ ދިވެހިރާއްޖެއެވެ. އެއީ މެޗްގެ 15 ވަނަ މިނެޓް ތެރޭގައި އީތަން ތަނަވަސްކޮށްދިން ފުރުސަތެއްގައި ކެޕްޓަން އީލާން ކާމިޔާބުކޮށްދިން ލަނޑުންނެވެ. މެޗުން ރާއްޖެ ލީޑް ނެގިނަމަވެސް ނޭޕާލުން ވަނީ ރާއްޖޭގެ ގޯލަށް ނުރައްކާ ކޮށްފައެވެ. 

އަދި ދެވަނަ ހާފް ފަށައިގެން ނޭޕާލުން ވަނީ މޮޅަށްކުޅެ ލަނޑުޖަހަން މަސައްކަތްކޮށްފައެވެ. މެޗްގައި ނޭޕާލަށް އެއްވަރުކޮށްދިނީ 86 ވަނަ މިނެޓް ތެރޭގައި ލިބުނު ހިލޭޖެހުމަކުން ތަނަވަސްވި ފުރުސަތެއްގައެވެ. މި ލަނޑު ކާމިޔާބުކޮށްދިނީ ނިޝާން ރާޖް އެވެ.

ނޭޕާލާ ދެކޮޅަށް ކުޅުނުމެޗް އެއްވަރުވެ ރާއްޖެ މުބާރާތުން ކެޓިއިރު ލިބިފައިވަނީ ދެ ޕޮއިންޓެވެ. މި ގްރޫޕުން އެއްވަނަ ޓީމުގެ ގޮތުގައި 7 ޕޮއިންޓާއެކު އޮތީ ނޭޕާލެވެ. ދެވަނާގައި ތިން ޕޮއިންޓާއެކު ސްރީލަންކާ އޮތްއިރު، ދެ ޕޮއިންޓާއެކު ތިންވަނަ ލިބެނީ ސްރީލަންކާއަށެވެ. ތާވަލްގެ އެންމެ ފުލުގައި އެއް ޕޮއިންޓާއެކު އޮތީ ބޫޓާނެވެ. 

މި ގްރޫޕްގައި މިރޭ ސްރީލަންކާ ނިކުންނާނީ ބޫޓާނާ ދެކޮޅަށެވެ. މިރޭގެ މެޗް އެއްވަރުވިނަމަވެސް، ލަންކާއަށް ސެމީގެ ޖާގަ ލިބޭނެއެވެ.