ތެރަޕިއުޓިކާއި ރިހެބިލިޓޭޝަން ފަރުވާއަށް މީހުން ތަމްރީންކުރަން 250 ސްކޮލަރޝިޕަށް ހަޔާ އެޑިއުކޭޝަން މިނިސްޓްރީން ހުޅުވާލައިފި އެވެ.

ތެރަޕިއުޓިކާއި ރިހެބިލިޓޭޝަން ފަރުވާއަށް ވުޒާރާއިން މިއަދު ހުޅުވާލީ ރާއްޖެއާއި ރާއްޖެއިން ބޭރުން ކިޔެވުމަށެވެ. ރާއްޖެއިން ބޭރުން ކިޔަވަން ފުރުޞަތު ހުޅުވާލީ، ޗައިނާއާއި ފިލިޕީންސްއާއި ތައިލޭންޑާއި މެލޭޝިއާއާއި އިންޑޮނޭޝިއާއާއި ވިއެޓްނާމާއި ސައުދީ އަރަބިއާއާއި ގަތަރާއި ޖޯޑަންއާއި ތުރުކީއާއި ރަޝިޔާއާއި ޗެކް ރިޕަބްލިކާއި ބެލަރުސްއާއި ސައުތް އެފްރިކާއާއި މިސްރުގެ އިތުރުން ފިޖީ އިން ނެވެ. 

ތެރަޕިއުޓިކާއި ރިހެބިލިޓޭޝަން ޕްރޮފެޝަނަލްސް ސްކޮލަރޝިޕް ދެނީ ހަތް ދާއިރާއަކުން ނެވެ.

ތެރަޕިއުޓިކާއި ރިހެބިލިޓޭޝަން ޕްރޮފެޝަނަލްސް ސްކޮލަރޝިޕް ދޭ ދާއިރާތައް:

* ސައިކޮލޮޖީން ރާއްޖޭގައި ބެޗުލަރސް ޑިގްރީ ހަދަން 30 ފުރުޞަތު އަދި މާސްޓަރސް ޑިގްރީ ހަދަން 20 ފުރުޞަތު

* ކައުންސިލިން / ބިހޭވިއަރ ތެރަޕީ ރާއްޖޭގައި ހަދަން 30 ފުރުޞަތު

* އޮކިއުޕޭޝަނަލް ތެރަޕީން ރާއްޖޭގައި ޑިގްރީ ހަދަން 30 ފުރުޞަތު، ރާއްޖެއިން ބޭރުގައި މާސްޓަރސް ޑިގްރީ ފުރިހަމަ ކުރުމަށް 30 ފުރުޞަތު

* ރާއްޖޭގައި ސްޕީޗް ތެރަޕީން ބެޗުލަރސް ޑިގްރީ ހަދަން 30 ފުރުޞަތު، ރާއްޖެއިން ބޭރުގައި ބެޗުލަރސް ޑިގްރީ ފުރިހަމަ ކުރުމަށް 30 ފުރުޞަތު އަދި ރާއްޖެއިން ބޭރުގައި މާސްޓަރސް ޑިގްރީ ފުރިހަމަ ކުރުމަށް 30 ފުރުޞަތު 

* ބިހޭވިއަރ އެނަލިސިސް / ބިހޭވިއަރ ތެރަޕީން މާސްޓަރސް ޑިގްރީ ރާއްޖެއިން ބޭރުން ފުރިހަމަ ކުރުމަށް 20 ފުރުޞަތު

މި ސްކޮލަރޝިޕްތަކަށް އަންނަ އޭޕްރިލް މަހުގެ 20 ވަނަ ދުވަހުގެ 1:30ގެ ކުރިން އެޕްލިކޭޝަން ހުށައަޅަން ޖެހެ އެވެ.