ބޮޑު ތުހުމަތެއް ކުރެއްވުމަށް ފަހު ސުޕްރީމް ކޯޓްގެ ކުރީގެ ފަނޑިޔާރު ހުސްނުއްސުއޫދު މައާފަށް އެދިވަޑައިގެންފި އެވެ.
އެކްސްގައި ކުރެއްވި ޕޯސްޓެއްގައި ސުއޫދު ވަނީ އިންތިހާބުގެ ސިއްރުކަން ގެއްލޭ ގޮތަށް އަމަލު ކުރަން އިލެކްޝަންސް ކޮމިޝަނުން މަޝްވަރާ ކުރަމުންދާ ކަމަށެވެ. އީސީން ހަމަޖައްސަން ގަސްތުކުރަނީ ވޯޓްލާން އަންނަ މީހާ ކުރެން ވޯޓްލާން ގަސްތުކުރަނީ ކޮން ކަމަކަށްތޯ އަހައި ސާފުކުރުމަށް ފަހު ތިން އިންތިހާބުގެ ތިން ވޯޓް ކަރުދާހުގެ ތެރެއިން އެ މީހަކު ވޯޓްލާން ބޭނުންވާ ކަމެއް އެމީހުން ގާތު ބުނާ ކަރުދާސްކޮޅު ދިނުމަށް ކަމަށް ވެސް ސުއޫދު ވަނީ ތުހުމަތު ކޮށްފަ އެވެ.
އެއް ފަހަރާ ވޯޓް ނެގޭ ތިން ކަމުގެ ތިން ކަރުދާސްކޮޅު އެމީހާ އަތަށް ދޭން އިލެކްޝަންސް ކޮމިޝަނުން ބޭނުންނުވާ ކަމަށްވެސް ސުއޫދު ވިދާޅުވެފައިވެ އެވެ.
ނަމަވެސް އޭގެ ފަހުން ކުރި ޕޯސްޓެއްގައި ސުޢޫދު ވަނީ އެފަދަ ކަމެއް ނުކުރާނެ ކަމުގެ ޔަގީންކަން ކޮމިޝަންގެ ރައީސް ދެއްވާފައިވާ ކަމަށް ވިދާޅުވެފަ އެވެ. އަދި ކުރީން ދެކެވުނު ވާހަކަތަކަށް މައާފަށް އެދިވަޑަައިގަތެވެ.
Advertisement
This content is created and paid for by advertisers and does not involve Voice Journalists
