މާދަމާގެ އިންތިޚާބަށް ހިންގި ކެމްޕެއިން ނިންމާލުމުގެ ގޮތުން މައި ދެ ޕާޓީން ކުރިއަށް ގެންދާ ހިނގާލުން އެތައް ސަތޭކަ ބަޔަކާއެކު ފަށައިފި އެވެ.
މާލޭގެ ދެ ސަރަހައްދެއްގައި ޕީއެންސީއާ އެމްޑީޕީން ދަނީ ހިނގާލުން ކުރިއަށް ގެންދަމުންނެވެ. މިއަދުގެ ހިނގާލުން ދެ ޕާޓީން ވެސް ފެށީ އާޓިފިޝަލް ބީޗް ސަރަހައްދުންނެވެ. މިއަދުގެ ހިނގާލުން ސުލްހަވެރިކަމާއެކު ކުރިއަށް ގެންދެވޭނެ މަގު ތަނަވަސްކޮށް ދިނުމަށް ފުލުހުން ވަނީ ރަނގަޅު / ހަރުދަނާ އިންތިޒާމުތަކެއް ހަމަޖައްސާފަ އެވެ.
ޕީއެންސީގެ ހިނގާލުން ކުރިއަށް ދަނީ --
ޕީއެންސީގެ ހިނގާލުމުގައި އިސްކޮށް ހުންނެވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.
އެމްޑީޕީގެ ހިނގާލުމުގެ އިސްކޮށް ކުރީގެ ދެ ރައީސުން ކަމަށްވާ ރައީސް އިބްރާހިމް މުހައްމަދު ސޯލިހާއި ރައީސް މުހައްމަދު ނަޝީދު ވެސް ބައިވެރިވެވަޑައިގަންނަވަ އެވެ.
އެމްޑީޕީގެ ހިނގާލުން ކުރިއަށް ދަނީ --
ދެ ޕާޓީގެ ހިނގާލުމުގައި ވެސް އެތައް ސަތޭކަ ބަޔަކު ދަނީ ބައިވެރިވަމުންނެވެ. ހިނގާލުމުގެ ބައިވެރީން ތިބީ އެ ޕާޓީތަކުގެ ސިޔާސަތުތަކާއި ކެންޑިޑޭޓުންގެ ފޮޓޯތަކާއި ޕާޓީގެ ދިދައާ ލޯގޯ ރަމްޒުކޮށްދޭ ލިޔުންތަކާއި ބެނާތައް ހިފައިގެންނެވެ.
Advertisement
This content is created and paid for by advertisers and does not involve Voice Journalists
