އިނގިރޭސި ޕްރިމިއާ ލީގްގައި ރޭ ލިވަޕޫލް ކުޅުނު މެޗުން އެޓީމް މޮޅުވިއިރު، މެންޗެސްޓަރ ޔުނައިޓެޑް ކުޅުނު މެޗް އެއްވަރުވެގެން ނިމިއްޖެއެވެ.

ލިވަޕޫޕް ނިކުތީ ބޯންމައުތާ ދެކޮޅަށެވެ. ބޯންމައުތުގެ ދަނޑުގައި ކުޅުނު މިމެޗް ލިވަޕޫލް ކާމިޔާބުކުރީ 1-0 ގެ ނަތީޖާއިންނެވެ. މެޗްގައި ފެނިގެންދިޔަ ހަމައެކަނި ލަނޑު ލިވަޕޫލަށް ޖަހައިދިނީ އިސާކް އެވެ. މިއީ މި ސީޒަނުގައި އޭނާޖެހި ހަތަރުވަނަ ގޯލެވެ. މިމެޗްގައި ބޯންމައުތައްވެސް ވަނީ ލަނޑުޖަހާނެ ރަނގަޅު ފުރުސަތުތައް ލިބުނެވެ.

މި މޮޅާއެކު ލިވަޕޫލް ވަނީ ތާވަލުގެ ހަވަނައަށް ޖެހިލާފައެވެ. އަދި ތިންވަނައިގައި އޮތް ބްރައިޓަންއާ ދެމެދު އޮތް ފަރަގު ވަނީ އެންމެ ޕޮއިންޓަކަށް ކުޑަވެފައެވެ.

ޕްރިމިއާ ލީގްގައި ރޭ މެންޗެސްޓަރ ޔުަނައިޓެޑާއި ފްލަމް ބައްދަލުކުރިމެޗް ނިމުނީ 1-1 ގެ ނަތީޖާއިން ދެޓީމް އެއްވަރުވެގެންނެވެ. މެޗްގައި އެންމެ ފުރަތަމަ ލީޑް ނެގީ ފްލަމް އެވެ. އެއީ ޔުނައިޓެޑްގެ މާޓިނޭޒް އަތުން ބައިކޮޅަށްވަތް ގޯލުންނެވެ. ފްލަމް މޮޅުވަމުން ދަނިކޮށް ޔުނައިޓެޑް ސަލާމަތްކޮށްދިނީ 89 ވަނަ މިނެޓް ތެރޭގައި ކުންހާ އެވެ.

މެޗަށްފަހު އިނގިރޭސި ޕްރިމިއާ ލީގް ޕޮއިންޓް ތާވަލް މިހާރު އޮތްގޮތަށް ބަލާއިރު އެންމެ ޕޮއިންޓަކާއެކު ޔުނައިޓެޑް އޮތީ ތާވަލްގެ 12 ވަނާގައެވެ. ފުލަމް އުޅެނީ އެންމެ ފުލުން ދެވަނާގައެވެ.