ރާއްޖޭގައި ބޭއްވި 20 އަހަރުން ދަށުގެ ސާފް ޗެމްޕިއަންޝިޕް ފުޓްބޯޅަ މުބާރާތުގެ ޗެމްޕިއަންކަން ބަންގްލަދޭޝް ހޯދައިފިއެވެ.

މި މުބާރާތުގެ ތަށި ގެންގޮސްފައިވަނީ މިރޭ ކުޅުނު ފައިނަލްމެޗްގައި ޕެނަލްޓީ ޖަހައިގެންނެވެ. ޕެނަލްޓީއަށް ގޮސްގެން މެޗްގެ ނަތީޖާ ނެރެފައިވަނީ މެޗްގެ ފުރިހަމަ ވަގުތުގެ ކުޅުން ނިމުނުއިރު އެއްވެސް ޓީމަކަށް ލަނޑެއް ކާމިޔާބު ނުކުރެވުމުންނެވެ. ޕެނަލްޓީ ޖަހައިގެން ބަންގްލަދޭޝް ޗެމްޕިއަންކަން ހޯދީ 4-3 ގެ ނަތީޖާއަކުންނެވެ.

ފޯރިގަދަ ކުޅުމެއް ފެނިގެންދިޔަ މިމެޗްގައި ދެ ޓީމަށްވެސް ލަނޑުޖަހާނެ ފުރުސަތުތައް ލިބިގެންދިޔައެވެ.

މިފަހަރުގެ މުބާރާތް ބަންފްލަދޭޝް ކާމިޔާބުކުރިއިރު، އެޓީމް ވަނޫީ މީގެ ކުރިން 2024 ވަނަ އަހަރުވެސް މުބާރާތުގެ ޗެމްޕިއަންކަން ހޯދާފައެވެ.