މިއަދު ކުރިއަށް ގެންދާ ލޯކަލް ކައުންސިލް އިންތިޚާބާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިޚާބާއި، އަދި ރައްޔިތުންގެ ޚިޔާލު ހޯދުމުގެ އާންމު ވޯޓަށް މިހާތަނަށް އެންމެ ގިނައިން ގޮސްފައިވަނީ ފިރިހެނުންކަން އިލެކްޝަން ކޮމިޝަނުން ނެގި ތަފާސްހިސާބުން ދައްކާފިއެވެ.

އިލެކްޝަން ކޮމިޝަނުން ދެންމެ ނެރުނު ތަފާސްހިސާބުން ދައްކާގޮތުން، މިހާރު ވޯޓު ލާފައިވަނީ 131947 މީހުންނެވެ. އެއީ ވޯޓުލުމުގެ ހައްގު ލިބިގެންވާ މީހުންގެ ތެރެއިން 44.75 އިންސައްތަ މީހުންނެވެ.

އެ ގޮތުން، މީގެތެރެއިން އަންހެނުންގެ ތެރެއިން ވޯޓު ލާފައިވަނީ ޖުމްލަ 63175 މީހުންނެވެ. އަދި ފިރިހެނުންގެ ތެރެއިން ވޯޓު ލާފައިވަނީ ޖުމްލަ 68772 މީހުންނެވެ.

އިލެކްޝަން ކޮމިޝަން އާއި ހުރިހާ ޕާޓީއަކުންވެސް ދަނީ ވީހާވެސް ގިނަ މީހުން ނުކުމެ ވޯޓުލުމުގެ ހައްގު އަދާކުރުމަށް އިލްތިމާސް ކުރަމުންވެ.

ވޯޓުލާ ފޮށިތައް ބަންދު ކުރާނީ 5:00 ގައެވެ.