އެމްޑީޕީ ބައިބައިވާން ދެން އެއްވެސް ފުރުސަތެއް ނުދިނުމަށް އެެ ޕާޓީގެ ރައީސް އަބްދުﷲ ޝާހިދު ގޮވާލައްވައިފި އެވެ.
އިންތިހާބުގެ ކާމިޔާބީ ފާހަގަކުރުމަށް އެމްޑީޕީން މިރޭ ބާއްވާ ޖަލްސާގައި ވާހަކަ ދައްކަވަން ރައީސް ނަޝީދަށް ފުރުސަތު ނުދޭން ނިންމުމުން މެންބަރުންގެ މެދުގައި ވަނީ ހިޔާލުތަފާތުވުން އުފެދިފަ އެެވެ.
އެކަމަށް އިޝާރާތް ކުރައްވާ ޝާހިދު ވިދާޅުވީ ނިމިދިޔަ އިންތިހާބުގައި ކާމިޔާބު ލިބުނީ އަމިއްލަ މެންބަރުން ކުރި ބުރަ މަސައްކަތުން ކަމަށެވެ. އާންމުން މެންބަރުންްގެ އެދުމަކީ ޕާޓީ ބައިބައިނުވެ ކުރިއަށް ދިއުން ކަމުގައި ޝާހީދު ވިދާޅުވި އެވެ.
"ދެ ރައީސުން [ރައީސް ސޯލިހާއި ރައީސް ނަޝީދު] ޖަލްސާގައި ބައިވެރިވެވަޑައިގެން ވާހަކަފުޅު ދެއްކެވުން އެއީ ޕާޓީގެ މެންބަރުންނަށާއި ޕާޓީއަށް ތާއީދުކޮށް ވޯޓް ދިން މީހުން މި ޕާޓީއަށް އިތުބާރުކުރާނެ ހަމައެކަނި ގޮތަކީ," ޝާހިދު ވިދާޅުވި އެވެ.
ޝާހިދު ވަނީ އެއް ފަހަރު "ބޮނޑި ބޮވިއްޖެ" ކަމުގައި ވިދާޅުވެ ދެން އެކަން ތަކުރާރު ނުކުރުމަށް އިލްތިމާސް ކުރައްވާފަ އެވެ. ޝާހިދު އެ އިޝާރާތް ކުރައްވަނީ ކުރީން އުފެދުނު ހިޔާލުތަފާތުވުންތަކުގައި އެމްޑީޕީ ބައިބައިވެ ދަ ޑިމޮކްރެޓްސް ނަމުގައި ސިޔާސީ ޕާޓީއެއް އުފެއްދި އުފެއްދުމަށެވެ. އެކަމާއި ގުޅިގެން އެމްޑީޕީއަށް އިންތިހާބުން ނާކާމިޔާބުވެ ދެވަނަ ދައުރެެއް ގެއްލުނެވެ.
Advertisement
This content is created and paid for by advertisers and does not involve Voice Journalists
