މޯލްޑިވްސް ސްޓޮކް އެކްސްޗޭންޖުގައި އަނެއްކާވެސް އެސްޓިއޯގެ ހިއްސާގެ އަގު ރެކޯޑް މިންވަރަކަށް އުފުލިއްޖެއެވެ.
ހިއްސާގެ ބާޒާރުގެ މުއާމަލާތްތަކަށް ބަލާއިރު، މިހާރު އެންމެ އަގުތައް މަތީގައި އުޅެނީ އެސްޓީއޯގެ ހިއްސާއެވެ.
އެމްއެސްއީގެ ޑެއިލީ ޓްރޭޑިން ބޯޑަށް ބަލާއިރު، އެންމެފަހުން އެސްޓީއޯގެ ހިއްސާ ގަތުމަށް ހުށަހަޅާފައިވާ އެންމެ މަތީ އަގަކީ 2001 ރުފިޔާއެވެ. މީގެ ކުރިން މިއަދަދު ހުރީ 1800 ރުފިޔާގައި ހުއްޓެވެ. އެސްޓީއޯގެ ހިއްސާ ވިއްކުމަށް ހުށަހަޅާފައިވާ އެންމެ މަތީ އަގަކީ 2,418 ރުފިޔާއެވެ. މީގެ ކުރިން މިއަދަދު ހުރީ 1,998.89 ރުފިޔާގައެވެ.
މޯލްޑިވްސް ސްޓޮކް އެކްސްޗޭންޖުގެ ތަފާސްހިސާބުތަކުން ދައްކާގޮތުގައި މިއަހަރު ހިއްސާގެ ބާޒާރު މެދުވެރިކޮށް ހިއްސާގެ މުއާމަލާތް އެންމެ ގިނައިން ކުރި އެއް ކުންފުންޏަކީވެސް އެސްޓީއޯއެވެ. ހިއްސާގެ ބާޒާރުގައި އެސްޓީއޯގެ ހިއްސާގެ އަގުތައް މައްޗަށް ޖެހިލާފައިވާއިރު، އެކުންފުންޏަށް މިދިޔަ އަހަރު ސާފްފައިދާގެ ގޮތުގައި ވަނީ 762 މިލިއަން ރުފިޔާ ލިބުނެވެ. މިދިޔަ އަހަރު އެސްޓީއޯއަށް ޖުމްލަ އާމްދަނީގެ ގޮތުގައި ވަނީ، 15.5 ބިލިއަން ރުފިޔާ ލިބިފައެވެ.
އެސްޓީއޯގެ އިތުރުން ހިއްސާގެ ބާޒާރުގައި ހިއްސާގެ މުއާމަލާތްތަކުގެ އަގުތައް އެންމެ ރަނގަޅު ކުންފުނިތަކުގެ ތެރޭގައި އެންމެ ފާހަގަކޮށްލެވެނީ، ބޭންކް އޮފް މޯލްޑިވްސްއެވެ. ބޭންކް އޮފް މޯލްޑިވްސް އިން ވަނީ މިދިޔަ އަހަރުގެ ވިޔަފާރީގެ ފައިދާއިން ރެކޯޑް އަދަދެއް މިއަހަރުގެ އަހަރީ އާއްމު ޖަލްސާގައި ބެހުމަށް ފާސްކޮށްފައެވެ.
Advertisement
This content is created and paid for by advertisers and does not involve Voice Journalists
