ދައުލަތުގެ ބެލުމުގެ ދަށުގައި ތިބޭ ތުއްތުކުދިންގެ ބެލިނިވެރަމާ ހަވާލުވާ ސިވިލްސާވަންޓުންނަށް ޚާއްޞަ ޗުއްޓީދޭ ގޮތަށް ސިވިލް ސަރވިސް ޤަވާއިދު އިސްލާހުކޮށްފިއެވެ.
ސަރުކާރުގެ ވަޒީފާގައި އުޅޭ ފަރާތްތައް ޤާނޫނީ ބެލެނިވެރިކަމާ ހަވާލުވާއިރު، އެފަރާތްތަކަށް ޚާއްޞަ ޗުއްޓީއެއް ދޭން ނިންމާފައިވާ ކަމަށް އިޖްތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ހާމަކުރެއްވީ، 25 މާރިޗުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ. އަދި މިމަހުން ފެށިގެން އެ ޗުއްޓީ ލިބޭނެ ކަމަށްވެސް ވަޒީރު ވިދާޅުވިއެވެ.
އެއާ އެއްގޮތަށް ސިވިލް ސަރވިސް ޤަވައިދަށް މިހާރު އިސްލާޙް ގެނެސްފައިވާއިރު، އެ އެސްލާހުގައިވާހޮތުން، ކުއްޖާއާ ހަވާލުވިއިރ،ު ކުއްޖާގެ އުމުރުން 6 މަސްދުވަސް ނުފުރޭނަމަ، ކުއްޖާގެ އުމުރުން 6 މަސްދުވަސް ހަމަވާ ތާރީޚާ ހަމަޔަށް މުސާރައާއި އިނާޔަތްތައް ލިބޭގޮތަށް ޚާއްޞަ ޗުއްޓީއެއް ލިބޭނެއެވެ.
އަދި ކުއްޖާއާ ހަވާލުވިއިރ،ު ކުއްޖާގެ އުމުރުން 6 މަސްދުވަސް ފުރިފައިވާ ނަމަ ނުވަތަ 6 މަސްދުވަސް ފުރެން 30 ދުވަހަށް ވުރެ ކުރު މުއްދަތެއް އޮތް ނަމަ، 30 ދުވަހުގެ ޗުއްޓީއެއް މުސާރައާއި އިނާޔަތްތައް ލިބޭގޮތަށް ލިބޭނެއެވެ.
ކުދިން ފޮސްޓަރކުރާ އާއިލާތަކުގެ ތެރެއިން މާލީގޮތުން ދަތިކަން ހުރި އާއިލާތަކަށް ދައުލަތުގެ ތެރެއިން ކުއްޖަކަށް 5000 ރުފިޔާ މަހަކު ލިބޭގޮތަށް ޚާއްސަ އެލަވަންސްއެއްވެސް މިހާރު ވަނީ ހަމަޖައްސާފައެވެ.
Advertisement
This content is created and paid for by advertisers and does not involve Voice Journalists
