މިއަހަރުގެ ޙައްޖުގެ އަޅުކަމަށް 1،000 މީހުންގެ ވިސާ މިހާތަނަށް ލިބިފައިވާކަމަށް މޯލްޑިވްސް ޙައްޖު ކޯޕަރޭޝަންގެ މެނޭޖިންގ ޑިރެކްޓަރ، މުޙައްމަދު ޝަކީލް ބުނެފިއެވެ.
ޝަކީލް މިހެން ވިދާޅުވެފައިވަނީ ރޭ ޕީއެސްއެމް ނިއުސްގެ ރާއްޖެ މިއަދު ޕްރޮގްރާމުގައި ވާހަކަދައްކަވަމުންނެވެ.
ހުރިހާ ކަމެއް ފުރިހަމަކޮށް މި އަހަރުގެ ފެބްރުއަރީ މަހުގެ 28 ވަނަ ދުވަހު ޙައްޖު ކޯޕަރޭޝަނުން ވާނީ ދިވެހި ހުރިހާ ޙައްޖާޖީންގެ ވިސާ ސަބްމިޓް ކޮށްފަ. އަދި މީގެ ތެރެއިން މިހާރު 1،000 ޙައްޖާޖީންގެ ވިސާ ލިބިފައިވާ ކަމަށް ވަރަށް އުފަލާއެކު ފާހަގަކުރަން.
ޝަކީލް ވިދާޅުވިއެވެ.
ޝަކީލް އިތުރަށް ވިދާޅުވި ގޮތުގައި، މިއަހަރު ރާއްޖެއިން ޙައްޖުގެ އަޅުކަމަށް ފުރާ 1،000 ޙައްޖާޖީންގެ ތެރެއިން މިހާރު ވެކްސިން ނުޖަހާ ހުރީ ޖުމްލަ 60 ޙައްޖާޖީންނެވެ. އަދި އޭނާ ވަނީ ވެކްސިން ޖެހުމަށް ހުރިހާ ޙައްޖާޖީންނަށް އިލްތިމާސްކޮށްފައެވެ.
މިދިޔަ އަހަރު ޙައްޖުގެ އަޅުކަމަށް ދުނިޔޭގެ އެކި ކަންކޮޅުތަކުން 1.8 މިލިއަން ޙައްޖާޖީން މައްކާއަށް ގޮސްފާވާއިރު، މިއަހަރުގެ ޙައްޖުގެ އަޅުކަމަށް އެއަށްވުރެ ގިނަ ޙައްޖާޖީން މައްކާއަށް ދާނެކަމަށް ސައުދީން ލަފާކުރެއެވެ.
އެގޮތުން، ރާއްޖޭގެ ޙައްޖާޖީން ސައުދީއަށް ފުރަން މިއަންނަ މަހުގެ 15 ވަނަ ދުވަހު ފަށާނެއެވެ.
Advertisement
This content is created and paid for by advertisers and does not involve Voice Journalists
