ފިއުލް ސަޕްލައި މޯލްޑިވްސް (އެފް.އެސް.އެމް) އިން ފ. ނިލަންދޫގައި ތަރައްޤީކުރި ފިއުލް ސްޓޭޝަން ހުޅުވައިފިއެވެ.
މިއީ ސަރުކާރުން ފަށާފައިވާ މަޝްރޫއުގެ ދަށުން ރާއްޖޭގެ އެކިކަންކޮޅުތަކުގައި އަޅަމުންދާ ފިއުލް ސްޓޭޝަންތަކުގެ ތެރެއިން އަލަށް ތަރައްޤީކުރި ފިއުލް ސްޓޭޝަނެކެވެ.
އެފްއެސްއެމުން ވަނީ މިދިޔަ މަހުގެ 28 ވަނަ ދުވަހު ށ. މިލަންދޫގައި ވެސް ފިއުލް ސްޓޭޝަނެއް ތަރައްޤީކޮށް ހުޅުވަައި ހިދުމަތްދޭން ފަށާފައެވެ. އެގޮުތުން، މި ސްޓޭޝަންތަކުން ރާއްޖޭގެ އެކިކަންކޮޅުތަކުގައި ތެޔޮ ހޯދަން ފަސޭހަވެގެންދާނެއެވެ.
ސަރުކާރުން މުޅި ރާއްޖޭގައި ތެޔޮ ލިބޭނެ އިންތިޒާމު ފަސޭހަކުރުމަށް ފަށާފައިވާ މި މަޝްރޫއުގެ ދަށުން، ރާއްޖޭގެ އެކި ކަންކޮޅުތަކުގައި ޖުމްލަ 18 ފިއުލް ސްޓޭޝަނެއް ތަރައްޤީކުރުމުގެ މަސައްކަތް ވަނީ ފަށާފައެވެ.. މި މަޝްރޫއުގެ މައިގަނޑު މަގުސަދަކީ ރާއްޖޭގެ ކޮންމެ އަތޮޅެއްގައި މަދުވެގެން އެއް ފިއުލް ސްޓޭޝަނެއް ގާއިމުކުރުމެވެ.
މި މަޝްރޫއުގެ ދަށުން މިހާތަނަށް 4 ސަރަހައްދައްވުރެ ގިނަ ސަރަހައްދުތަކުގައި ސްޓޭޝަންތައް ހުޅުވައި ހިދުމަތްތައް ދެމުންދާއިރު، ބާކީ ހުރި ސްޓޭޝަންތަކުގެ މަސައްކަތްތައް ވެސް ކުރިއަށްދާކަމަސް އެފްއެސްއެމުން ބުނެއެވެ.
Advertisement
This content is created and paid for by advertisers and does not involve Voice Journalists
