ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) ގެ ދަސްވެނިވުމުގެ ރަސްމިއްޔާތު އަންނަ މި މަހުގެ 29 އަދި 30 ގައި ބޭއްވުމަށް އެ ޔުނިވަރސިޓީން ނިންމައިފިއެވެ.
އެމްއެންޔޫއިން ބުނި ގޮތުގައި، މި ރަސްމިއްޔާތު ބޭއްވުމަށް ހަމަޖެހިފައިވަނީ ޖުމްލަ ހަތަރު ސެޝަނަކަށް ބަހާލައިގެންނެވެ. މި ހުރިހާ ސެޝަނެއްވެސް ކުރިއަށްދާނީ ދިވެހިރާއްޖޭގެ ޤައުމީ ޔުނިވަރސިޓީގެ އޭ ބްލޮކް އޮޑިޓޯރިއަމްގައެވެ.
މި ރަސްމިއްޔާތު ކުރިއަށްދާނެ ތާވަލު މިހާރު ވަނީ އާންމުކޮށްފައެވެ. އެގޮތުން ފުރަތަމަ ދެ ސެޝަން ބޭއްވުމަށް ހަމަޖެހިފައިވަނީ 29 އޭޕްރިލް 2026 ވާ ބުދަ ދުވަހުއެވެ. އެ ދުވަހުގެ ހެނދުނު ސެޝަން 09:00 ގައި ފެށުމަށް ހަމަޖެހިފައިވާއިރު، މެންދުރުފަހުގެ ސެޝަން ފެށުމަށް ހަމަޖެހިފައިވަނީ 13:00 ގައެވެ.
ދަސްވެނިވުމުގެ ތިންވަނަ ސެޝަނާއި ހަތަރުވަނަ ސެޝަން އޮންނާނީ 30 އޭޕްރިލް 2026 ވާ ބުރާސްފަތި ދުވަހުއެވެ. މި ދުވަހުގެވެސް ހެނދުނު ސެޝަން 09:00 ގައި ފެށުމަށް ހަމަޖެހިފައިވާއިރު، ފަހު ސެޝަން ފެށުމަށް ތާވަލުކޮށްފައިވަނީ މެންދުރުފަހު 13:00 އަށެވެ.
ދިވެހިރާއްޖޭގެ ޤައުމީ ޔުނިވަރސިޓީން އިތުރަށް ބުނީ، ދަރިވަރުންނާއި ބެލެނިވެރިންނަށް މި މުހިންމު ރަސްމިއްޔާތު ވަގުތުން ބަލާލުމުގެ ފުރުސަތު ދިނުމުގެ ގޮތުން، "ޓީވީއެމް" މެދުވެރިކޮށް މި ރަސްމިއްޔާތު ލައިވްކުރުމަށް ހަމަޖެހިފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
