އެމްޑީީޕީގެ ޗެއާޕާސަންގެ މަގާމަށް ކުރިމަތިލައްވަން ނަޝީދު ނިންމަވައިފި އެވެ.

އެމަނިކުފާނު އެކަން ހާމަކުރެއްވީ "ބޮޑު ބަދަލު" ނަމުގައި މިއަދު ރައީސް ނަޝީދާއި ފައްޔާޒު ބޭއްވެވި ނޫސްވެރީންގެ ބައްދަލްވުމުގަ އެވެ. ނަޝީދު ވިދާޅުވީ އެމްޑީީޕީގެ ޗެއާޕާސަންގެ މަގާމަށް ކުރިމަތިލައްވަން ނިންމަވާފައިވާ ކަމަށެވެ.

އެމަނިކުފާނު ވިދާޅުވީ ޗެއާޕާސަން ކަމަށް ކުރިމަތިލެއްވުމަށް ނިންމެވީ ކަންކަން ރަނގަޅު ކުރެއްވޭނީ އެ މަގާމަށް ކުރިމަތިލައްވައިގެން ކަމަށް ގަބޫލުކުރެއްވީ ކަމަށެވެ. އަދި އެފްރިކާގައި ހުންނަވާފައި މިހާރު އޮތް މަގާމު ދޫކޮށްލައްވާފައި ވަޑައިގެންނެވީ އެ ބޭނުންފުޅުގައި ކަމަށެވެ.

ނަޝީދުގެ އެ އިއުލާނާއެކު އެމަނިކުފާނުގެ އަރިހުގައި އިންނަވާ އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއީލް ވަނީ އެމްޑީޕީގެ ޗެއާޕާސަންގެ މަގާމަށް ނަޝީދު ގެންނެވުމަށް ތާއީދު ކުރައްވާ ކަމުގައި ވިދާޅުވެފަ އެވެ.

ރައީސް ނަޝީދަކީ އެމްޑީޕީގެ ފުރަތަމަ އިންތިހާބީ ޗެއާޕާސަން އެވެ. އެންމެ ފަހުން އެ ޕާޓީގައި ޗެއާޕާސަނަށް ހުންނެވީ ފައްޔާޒް އެވެ. ފައްޔާޒް އެ މަގާމުން އިސްތިއުފާ ދެއްވުމާއި ގުޅިގެން ވަގުތީ ގޮތުން ޗެއާޕާސަނަކަށް އައްޔަނު ކުރެއްވީ އަބްދުލްޣަފޫރު މޫސާ އެވެ.

ނަމަވެސް ފަހުން ޕާޓީގެ ތެރޭގައި ވަރަށް ބޮޑަށް ހިޔާލުތަފާތުވުން އުފެދުނެވެ. އެ ހިޔާލުތަފާތުވުން ހައްލުކޮށް މިހާރު އޮތީ އެމްޑީޕީގެ ހިންގުމުގެ ކަންކަން ހަ މެމްބަރުން ހިމެނޭ ކޮމިޓީއަކާ ހަވާލުކުރުމަށް ނިންމާފަ އެވެ.

އެމްޑީޕީ ހިންގުމަށް އެކުލަވާލި ކޮމެޓީގެ ހަ މެންބަރުން 

އެމްޑީޕީ ހިންގުމަށް ނެގި ވަގުތީ ކޮމިޓީގައި ހިމެނި ވަޑައިގަންނަވާ ފަސް ލީޑަރުންގެ ތެރޭގައި ހިމެނެނީ، ރައީސް އިބްރާހިމް މުހައްމަދު ސޯލިހް، ފައްޔާޒް އިސްމާއީލް، ރައީސް ނަޝީދު، އެމްޑީޕީގެ ވަގުތީ ޗެއާޕާސަން އަބްދުލްގަފުރު މޫސާ، އަދި އެމްޑީޕީގެ މިހާރުގެ ރައީސް ޢަބްދުﷲ ޝާހިދާއި ޕީޖީ ލީޑަރު ނާޒިލް އެވެ.

މި ކޮމެޓީ ދެމި އޮންނާނީ އައު ޗެއަރޕާސަން އިންތިހާބު ކޮށް ނިމެންދެނެވެެ.