އއ. ރަސްދޫގައި މިދިޔަ ހުކުރު ދުވަހުގެ ރޭ ޗައިނާގެ މީހަކު އެ ރަށުގެ ޒުވާނަކަށް ހަމަލާ ދީ ޒަޚަމްކޮށްލާފައި އޮތް މަންޒަރު ފެނި، ޙާލު ދެރަވި އެ ޒުވާނާގެ މަންމަ މިއަދު ނިޔާވެއްޖެއެވެ.
ރަސްދޫއިން ވޮއިސް އަށް މައުލޫމާތު ދިން މީހަކު ބުނިގޮތުން، ޒުވާނާއަށް ހަމަލާދިނީ، އެ ރަށުގައި ގެސްޓްހައުސްއެއްގައި އުޅޭ ޗައިނާގެ މީހެކެވެ.
އަދި އެ ފިރިހެން މީހާއަށް ހަމަލާދިނީ ދަގަނޑުބުރިއަކުން ބޮލުގައި ޖަހައިގެން ކަމަށާަ، ޖެހުމުގެ ސަބަބުން ބޯ ފަޅައިގެންގޮސް ވަރަށް ގިނައިން ލޭ އައި ކަމަށްވެސް އޭނާ ބުންޏެވެ.
އަދި ޒުވާނާގެ މަންމައަށް އޭނާ ފެނުނީ ފަރުވާއަޭް ހޮސްޕިޓަލަށް ގެންދަނިކޮށް ކަމަށާ، އަނިޔާތައް ފެނި ޒުވާނާގެ މަންމައަށް ލިބުނު ޝޮކުގައި ހޭނެތިގެން ވެއްޓި ވަރަށް ހާލު ދެރަވި ކަމަށް ރަސްދޫއިން ވާހަކަ ދެއްކި މީހާ ބުންޏެވެ.
އަދި އަންހެން މީހާއަށް ރަސްދޫގައި ފަރުވާ ދިނުމަށްފަހު، އެމެޖެންސީގައި މާލެ ގެނެސް ފަރުވާ ދެމުން ދިޔައީވެސް ވެންޓިލޭޓަރުގައި ކަމަށާ، ނިޔާވީ މިއަދުގެ ހެނދުނުގެ ވަގުތެއްގައި ކަމަށް އެ އެމީހާ ބުންޏެވެ.
ނިޔާވި އަންހެން މީހާއަކީ އުމުރުން ގާތްގަނޑަކަށް 69 އަހަރުގެ މީހެކެވެ.
އޭނާގެ ދަރިފުޅުގެ ހާލު މިހާރު ރަނގަޅު ކަމަށާ އިއްޔެގެ ވަގުތެއްގައި ހޮސްޕިޓަލުން ޑިސްޗާޖުވެސް ކޮށްލާފައިވާ ކަމަށް ވޮއިސްއާ ވާހަކަ ދެއްކި މީހާ ބުންޏެވެ.
މި މައްސަލައާ ގުޅިގެން ޗައިނާގެ ފިރިހެން މީހާ ލ އެ ރޭ ހައްޔަރުކޮށްފައިވާ ކަމަށް ފުލުހުން އޭރު ބުންޏެވެ.
Advertisement
This content is created and paid for by advertisers and does not involve Voice Journalists
