ދިވެހިލީގް ކޮލިފައިންގައި މިއަދު ހަވީރު ހުރާ އާއި ގްރީން ސްޓްރިޓް ބައްދަލުކުރިމެޗް އެއްވަރުވެގެން ނިމިއްޖެއެވެ.
ގަލޮޅު ދަނޑުގައި ކުޅުނު މިމެޗް ނިމުނީ 1-1 ގެ ނަތީޖާއަކުންނެވެ. ފޯރިގަދަ ކުޅުމެއް ފެނިގެންދިޔަ މި މެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ ގްރީން ސްޓްރީޓުންނެވެ. އެއީ މެޗްގެ 31 ވަނަ މިނެޓް ތެރޭގައި ހުޒާމް ކާމިޔާބުކޮށްދިން ލަނޑުންނެވެ.
ގްރީން ސްޓްރީޓުން ލީޑް ނަގާފައިވަނިކޮށް ހުރާއިން އެއްވަރުކޮށްފައިވަނީ ދެވަނަ ހާފްގެ ތެރޭގައެވެ. ހުރައަށް އެއްވަރުކޮށްދިން ލަނޑު ޖަހައިދިނީ ސާދު އެވެ.
ދިވެހިލީގް ކޮލިފައިންގައި މިއަދު ހަވީރު ހުރާ އަދި ގްރީން ސްޓްރިޓް ބައްދަލުކުރިމެޗްގެ ތެރެއިން..
މެޗްގައި ދެޓީމަށްވެސް ލަނޑު ޖަހާނެ ރަނގަޅު ފުރުސަތުތައް ލިބި ވަނީ ބޭނުންނުކުރެވި ގޮސްފައެވެ.
ދިވެހިލީގް ކޮލިފައިންގައި މިއަދު ހަވީރު ހުރާ އަދި ގްރީން ސްޓްރިޓް ބައްދަލުކުރިމެޗްގެ ތެރެއިން..
ކޮލިފައިންގައި ދެން ހުރާ ބައްދަލުކުރަން ޖެހޭނީ ދެކުނު ރީޖަންގެ ޗެމްޕިއަން ގައްދޫ އާ ދެކޮޅަށެވެ. އަދި ގްރީން ސްޓްރީޓް ބައްދަލުކުރާނީ މާލޭ ސަރަހައްދުގެ ޗެމްޕިއަން ބިސް ބުރާ ދެކޮޅަށެވެ.
Advertisement
This content is created and paid for by advertisers and does not involve Voice Journalists
