ސެނެގާލް ބަލިކޮށް ފްރާންސުން ވަރލްޑްކަޕްގެ ފެށުން ރަނގަޅުކޮށްފިއެވެ.

ވަރލްޑްކަޕް ގްރޫޕް އައިގައި ރޭ ފްރާންސް އާއި ސެނެގާލް ބައްދަލުކުރިމެޗް ފްރާންސް ކާމިޔާބުކުރީ 3-1 ގެ ނަތީޖާއަކުންނެވެ. ދެޓީމްގެ ދެމެދު ވާދަވެރި ކުޅުމެއް ފެނިގެންދިޔަ މިމެޗްގައި ފެނިގެންދިޔަ ހުރިހާ ލަނޑެއްވެސް ޖަހާފައިވަނީ ފަހު ހާފްގެ ތެރޭގައެވެ.

މިމެޗްގެ ފުރަތަމަ ހާފުގައި ފްރާންސްގެ ފަރާތުން ފެނުނީ ދަށް ކުޅުމެކެވެ. އެ ހާފުގައި އެ ޓީމަށް ފޮނުވާލެވުނީ އެންމެ ހަމަލާއެކެވެ. ނަމަވެސް ދެވަނަ ހާފުގައި އެ ޓީމުން ވަނީ ކުޅުން ރަނގަޅުކޮށް ތަފާތު ދައްކާފައެވެ.

މެޗްގައި ފްރާންސަށް ގޯލް ހުޅުވާލަދިނީ 66 ވަނަ މިނެޓް ތެރޭގައި އޮލިސޭ ތަނަވަސްކޮށްދިން ފުރުސަތެއްގައި އެމްބާޕޭ އެވެ. 

މެޗްގެ ދެވަނަ ލަނޑު 82 ވަނަ މިނެޓް ތެރޭގައި ބާކޯލާ  ޖެހިއިރު ސެނެގާލުން ވަނީ މެޗްގެ އިތުރުވަގުތުގެ ކުޅުމުގެ ތެރޭގައި ލަނޑެއް ޖަހާފައެވެ. މެޗްފައި ފެނިގެންދިޔަ ފްރާންސްގެ ތިންވަނަ ލަނޑު އެމްބާޕޭ ޖަހާފައިވަނީ އެންމެފަހުވަގުތުގައެވެ.

މި މެޗުގައި ސަޑިއޯ މާނޭ އެމްބާޕޭއަށް ކުރި ފައުލަކާ ގުޅިގެން ޕެނަލްޓީއެއް ދިނުމާމެދު ބޮޑު ބަހުސެއް އުފެދުނެވެ. ރެފްރީ އަލީރޭޒާ ފަގާނީ ވީއޭއާރް މޮނީޓަރު ބެލުމަށްފަހު ވެސް ނިންމީ ޕެނަލްޓީއެއް ނޫން ކަމަށެވެ.