ކަޓަރަކުން މީހެއްގެ ކުޑަވައި އިނގިލި ބުރިކޮށްލި މައްސަލާގައި ހިމެނޭ މީހުންގެ މައްޗަށް ކުށް ސާބިތުވާ ކަމަށް ނިންމާ އެ މީހުންގެ މައްޗަށް ދިގު މުއްދަތުގެ ޖަލު ހުކުމެއް އިއްވައިފި އެވެ.
މިއީ ޖޫން 23, 2024 ގައި ހިނގި ހާދިސާ އެކެވެ. މި މައްސަލާގައި ދައުވާ އުފުލާފައިވަނީ ލ. ގަން ތުޑީ, ލިންކު އަހްމަދު ޒަޔާން އާއި ތ. ތިމަރަފުށީ, އުތުރުގެއާގެ މުޙައްމަދު ނައުޝާން ހުސައިން އާއި ރ. ކަނދޮޅުދޫ, މެހުރާ އަލީ ސާމީ އާއި ކ. ކާށިދޫ, ފުލްމޫން މުޙައްމަދު ނަފާޙް އާއި ގދ. ގައްދޫ, ހުދުވެލި އަހްމަދު ސާއިފް ވަހީދުގެ މައްޗަށެވެ.
އެ މީހުންގެ މައްޗަށް ދައުވާ އުފުލީ މއ. ބަގުފަޑިއްގެ އުތުރުބައިގެ ހަތްވަނަ ފަންގިފިލާގައި ހުންނަ އެޕާޓްމަންޓެއްގައި މީހަކު ބަންދުކޮށް އެ މީހާއާ މާރާމާރީ ހިންގާ އަނިޔާކޮށް އެ މީހާ ގޮނޑިއެއްގައި ބަނުމަށް ފަހު ކަޓަރަކުން އެ މީހާގެ ވައަތުގެ ކުޑަވައި އިނގިލި ބުރިކޮށްލާފައިވާތީ ކޮށްފައިވާ ދައުވާ އެކެވެ.
މި މީހުންގެ ތެރެއިން ސާއިފް ވަހީދު 15 އަހަރަށް ޖަލަށް ލުމަށް ވަނީ ހުކުމްކޮށްފަ އެވެ. އަދި ނައުޝާދު އާއި އަލީ ސާމީ 10 އަހަރަށް ޖަލަށް ލުމަށް ވަނީ ހުކުމްކޮށްފަ އެވެ. ޒަޔާންގެ މައްޗަށް އިއްވީ ތިން މަހުގެ ހުކުމެކެވެ. އޭނާގެ މައްޗަށް އުފުލީ އެހީއަށް ބޭނުންވެފައިވާ މީހާއަށް އެކަށީގެންވާ ސަބަބެއް ނެތި އެހީތެރިކަން ފޯރުކޮށްނުދިނުމުގެ ކުށުގެ ދައުވާ އެވެ.
މި މައްސަލާގައި ދަައުވާ އުފުލި އަލީ ސާމީގެ މައްޗަށް ދައުވާ ސާބިތުނުވާ ކަމަށްވެސް ވަނީ ހުކުމްކޮށްފަ އެވެ.
Advertisement
This content is created and paid for by advertisers and does not involve Voice Journalists
