2100 އަށްވުރެ ގިނަ މީހުން ޕޭޕާލްގެ ވޮލެޓް އެކްޓިވޭޓް ކޮށްފައިވާ ކަމަށާ، ޕޭޕާލްގެ އިތުރު އޮޕްޝަންތައްވެސް ކުރިއަށް އޮތްތަނުގައި ރާއްޖެ އަންނާނެ ކަމަށް އިކޮނަމިކް މިނިސްޓަރު މުޙައްމަދު ސަޢީދު ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ސައީދު ވިދާޅުވީ، ޕޭޕަލް ރާއްޖޭގައި ނެތް ކަމަށް ބުނެ ވާހަކަދައްކަނީ ސަރުކާރާ ޚިޔާލު ތަފާތު ފަރާތްތަކުން ކަމަށެވެ.
"މިއުޅެނީ އަޅުގަނޑުމެންނާ ޚިޔާލު ތަފާތު، ސިޔާސީ ބައެއް ފަރާތްތަކުން، ޕޭޕަލް ރާއްޖެއަށް އައިމަ 'އުނހޫ ނުގެނެވޭ' އެހެން ވިދާޅުވަންހެން އަޅުގަނޑަށް ހީވަނީ. " ސައީދު ވިދާޅުވި އެވެ.
ކަންމިހެން ހުރި ނަމަވެސް، ޕޭޕާލް ރާއްޖެއައިސްފައުވާ ކަމަށާ، ގިނަ ބަޔަކު ބޭނުންވެސް ކުރަމުންދާ ކަމަށް ވިދާޅުވެ ސަޢީދުވަނީ މިހާތަނަށް ޚިދުމަތް ބޭނުންކޮށްފައިވާ މީހުންގެ ތަފާސް ހިސާބުވެސް އޮޅުންފިލުވައި ދެއްވާފައެވެ.
” ޕޭޕަލް ރާއްޖޭގައި މިހާރު ހުރީ. ޕޭޕާލްގެ ޚިދުމަތަށް އެދި ލިންކު ކުރެވިފައި އެބައިން 3،280 ސްޓާޓަޕްސް ނުވަތަ ވިޔަފާރި. ވޮލެޓް އެކްޓިވޭޓް ކުރެވިފައި އެބައިން 2،159 ވޮލެޓު. އެހެންވީމާ މިއޮއް ހިނގަނީ ނޫންތޯ“
ވަޒީރު ސަޢީދު
އިކޮނަމިކް މިނިސްޓަރު މުޙައްމަދު ސަޢީދު: ފޮޓޯ/ ރައީސް އޮފީސް
ސައީދު އިތުރަށް ވިދާޅުވީ މީގެ ކުރިން އެންމެ ގިނައިން ދެކެވުނު ވާހަކައަކީ ރާއްޖެ ކުޑަވުމުން ޕޭޕަލް ރާއްޖެ ނާންނާނެ ވާހަކަ ކަމަށެވެ. އެހެންނަމަވެސް މިހާރު ”ޕޭޕާލް އައިއްސި“ ކަމަށާ، ޕޭޕާލް ރާއްޖެ ގެންނަން ކުރަންޖެހުނު ހުރިހާ ކަމެއް ކުރީ ސަރުކާރުން ކަމަށްވެސް ވިދާޅުވިއެވެ.
ޕޭޕާލް ރާއްޖެ ގެންނަން ކުރަން ހުރި ހުރިހާ ކަމެއް ސަރުކާރުން ކޮށްގެން އެކަން ކުރެވުނީ. ސަރުކާރުން އެކަން ކުރީ. ސަރުކާރާ ޕޭޕާލްއާ އެއްކޮށް ހިންގުނު މުއާމަލާތާ ދެން އޭގެ ފަހުން، އެބޭފުޅުންގެ ސާވިސް ޕްރިވައިޑާ އަކަށް އެބޭފުޅުންގެ އަމިއްލަ ރެކްރޫޓެއްގެ ގޮތުގައި އުރީދޫ ޚިޔާރު ކުރެއްވީ. އޭގެ ފަހުން އުރީދޫއާ ސަރުކާރާ ޕޭޕާލްއާ އެކުވެ ދެކެވުނު މަޝްވަރާ ތަކާ ކުރެވުނު މަސައްކަތް ތަކުގެ ތެރެއިން (ޕޭޕާލް އައީ)
މުޙައްމަދު ސަޢީދު
ސައީދު ވިދާޅުވީ ޕޭޕާލްގެ ވަރަށް ގިނަ ޚިދުމަތްތައް ހުންނަ ކަމަށެވެ. އަދި ޕޭޕާލްއާއެކު އިތުރު އޮޕްޝަންތައްވެސް އަންނަމުންދާނެ ކަމަށެވެ.
"ޕޭޕަލްގައި ހުރި އިތުރު އޮޕްޝަންތައް އަންނަމުންތާ ދާނީ،" ސައީދު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
