ވަރލްޑްކަޕް ގަދަ 16 ގެ ޖާައެއް އައިވަރީ ކޯސްޓް ބަލިކޮށް ނޯވޭ ހޯދައިފިއެވެ.

މުބާރާތުގެ ގަދަ 16 ގެ ޖާގައެއް ނޯވޭ ހޯދާފައި ވަނީ އައިވަރީ ކޯސްޓާ ދެކޮޅަށް ކުޅުނުމެޗް 2-1 ގެނަތީޖާއިން ކާމިޔާބުކޮށްގެންނެވެ. ފޯރިގަދަ ކުޅުމެއް ފެނިގެންދިޔަ މިމެޗްގައި ނޯވޭއަށް ގޯލް ހުޅުވާލަދިނީ 39 ވަނަ މިނެޓް ތެރޭގައި އޮޑެގަޑް ތަނަވަސްކޮށްދިން ފުރުސަތެއްގައި ނޫސާއެވެ. 

ވާދަވެރިކުޅުމެއް ފެނިގެންދިޔަ މިމެޗްގެ 74 ވަނަ މިނެޓް ތެރޭގައު ޑިއެލޯ ލަނޑެއްޖަހައި މެޗްގެ ނަތީޖާ ވަނީ އެއްވަރުކޮށްފައެވެ. މެޗުން ދެވަނަ ފަހަރަށް ނޯވޭ މޮޅުކޮށްދިނީ 86 ވަނަ މިނެޓް ތެރޭގައި ހާލާންޑެވެ. މުބާރާތުގެ ގަދަ 16 ގައި ނޯވޭ ނިކުންނާނީ އަންނަ ހޯމަދުވަހު ބްރެޒިލް އާ ދެކޮޅަށެވެ.

މި ދެޓީމް މީގެކުރިން 1998 ވަނަ އަހަރުގެ ވަރލްޑްކަޕްގައި ގްރޫޕް ސްޓޭޖްގައި ކުޅުނުއިރު، އެމެޗް 2-1 ގެ ނަތީޖާއިން ކާމިޔާބުކުރީ ނޯވޭ އެވެ.