ޤައުމީ ދާރުލް އާސާރު ވަރަށް ބޮޑަށް މަރާތުކުރަންޖެހޭ ކަމަށާ، ނަމަވެސް އެތަނުގެ ބޮޑު މަރާމާތެއް މީގެ ކުރިން ކޮށްފައި ނުވާ ކަމަށް ޘަޤާފަތާ ބެހޭ ވަޒީރު ހީނާ ވަލީދު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި މެންބަރަކު ކުރެއްވި ސުވާލަށް ޖަވާބުދެއްވަމުން ހީނާ ވިދާޅުވީ، ޤައުމީ ދާރުލް އާސާރުގެ އިމާރާތް މަރާމާތު ނުކޮށް ހުރުމުގެ ސަބަބުން އެތަން ހަލާކުވެ، ވަރަށް ބޮޑަށް މަރާމާތުކުރަން ޖެހިފައިވާ ކަމަށެވެ.
ޤައުމީ ދާރުލް އާސާރުގައި މިހާތަނަށް އެއްވެސް ކަހަލަ ބޮޑު މަރާމާތެއް ކުރެވިފައެއް ނެތް. ދެން އަޅުގަނޑު ހަމަ ގޮއްސަ ބަލާލިން އެއްވެސް ކަހަލަ މަރާމާތެއް މިހާތަނަށް ކޮށްފައި ވޭތޯ. ދެން އަޅުގަނޑަކަށް ހަމަ ހޯދާ ހޯދާވެސް އެ ކުރެވުނު މަރާމާތެއް ނުވަތަ، ކޮށްފައިވާ ކަމެއް، އަދި ފެންނާކަށް ނުވެއް ނެތް.
ހީނާ ވަލީދު
ޘަޤާފަތާ ބެހޭ ވަޒީރު ހީނާ ވަލީދު: ފޮޓޯ/ މަޖިލިސް
ހީނާ ވިދާޅުވީ، ދާރުލްއާސާރު މަރާމާތުކުރުމަށްޓަކައި މުހިންމު ޕްރޮޖެކްޓެއް ފެށުމުގެ މަސައްކަތް ކުރެވެމުންދާ ކަމަށެވެ. އަދި، އެކަމަށް ޗައިނާ ސަރުކާރުގެ އެހީ ލިބިފައިވާ ކަމަށާ މަސައްކަތް ވަރަށް އަވަހަށް ފަށާނެ ކަމަށް ހީނާ ވިދާޅުވިއެވެ.
މީގެ އިތުރުން ދާރުލް އާސާރު ޑިޖިޓައިޒް ކުރުމުގެ މަސައްކަތްވެސް މިހާރު ކުރެވެމުންދާ ކަމަށާ، އެއާއެކު، ދާރުލްއާސާރުގެ ޚިދުމަތްތައް އިތުރަށް ފުޅާވެގެންދާނެ ކަމަށް ހީނާ ވިދާޅުވިއެވެ.
”ހަމައެއާއެކު ޤައުމީ ދާރުލް އާސާރު ޑިޖިޓައިޒް ކުރުމުގެ މަސައްކަތްވެސް މިހާރު ކުރަންޖެހިފައި މިވަނީ. އެހެންވީމާ ދާރުލް އާސާރުގެ ގޮތްޕެއްގެ ގޮތުގައި އިންޓަރެކްޓިވް އިމަސިވް މިޔުޒިއަމް ތަރައްގީ ކުރުމުގެ ކަންކަން ކުރިއަށްދާތީއާ، މިކަމުގެ ސަބަބުން ޚިދުމަތްތައް އިތުރަށް ފުޅާކުރެވިގެންދާނެތީ، ދާރުލް އާސާރުގެ ޚިދުމަތްތަކާ އެތަނުން ލިބޭ މުހިންމު ވަސީލާތްތައްވެސް ކުރިއަށްއޮތް ތަނުގައި ތަނަވަސްވެގެންދާނެ.“ ހީނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
