ކެންސަރުބައްޔަށް ފަރުވާދިނުމަށް ބޭނުންކުރާ "ޑާޒަލެކްސް" ގެ ފޭކް އިންޖެކްޝަން ރާއްޖޭގެ އެއްވެސް ފާމަސީއެއްގައި ނުހުންނާނެ ކަމަށާ، އެއީ ބަލިމީހަކަށް، ބޭރުން ގެނައި އެއްޗެއް ކަމަށް ސިއްޙަތާ ބެހޭ ވުޒާރާއިން ބުނެފިއެވެ.
"ޑާޒަލެކްސް" ގެ ފޭކް އުފެއްދުމެއް ދައުރުވާކަން އެނގިފައިވަނީ ފުޑް އެންޑް ޑްރަގް އޮތޯރިޓީން ކުރި ރެންޑަމް އިންސްޕެކްޝަނަކުންނެވެ.
މިކަމާ ބެހޭ ގޮތުން ”ވޮއިސް“ އަށް މައުލޫމާތު ދެއްވަމުން ހެލްތު މިނިސްޓްރީގެ އޮފިޝަލަކު ވިދާޅުވީ، އެ އިންޖެކްޝަން ރާއްޖޭގެ އެއްވެސް ފާމަސީއެއްގައި ނެތް ކަމަށެވެ.
”އެއީ ބަލި މީހަކަށް، ޕްރިސްކްރައިބް ކޮށްފައި އިނީމާ އެބޭފުޅާއަށް ބޭރުން ގެނައި އެއްޗެއް. އެއްވެސް ފާމަސީއެއްގައި އެ އިންޖެކްޝަން ނުހުންނާނެ. އަދި އެ ބަލިމީހާއަށް ގެނައި އިންޖެކްޝަން އެމީހާ ގަޔަށް ނުޖަހާ. ޖެހުމުގެ ކުރިން އެއީ ފޭކު އެއްޗެއްކަން ސަމާލު ކަމަށް އައި“ އޮފިޝަލް ވިދާޅުވިއެވެ.
މި ފޭކް އިންޖެކްޝަން ބައިނަލްއަޤުވާމީ މާކެޓްތަކުގައި ދައުރުވަމުންދާއިރު އެކަން ޑަބްލިއުއެޗްއޯގެ ސަމާލުކަމަށް ގެނައީ ރާއްޖެއިންނެވެ. މިބާވަތުގެ އިންޖެކްޝަން ވަނީ މެކްސިކޯއިންވެސް ފެނިފައެވެ.
Advertisement
This content is created and paid for by advertisers and does not involve Voice Journalists
