ހއ.ހޯރަފުށީ ފަރުމައްޗަށް ބޮޑު މަހެއް ލައްގައިފިއެވެ.
މި ބޮޑުމަސް ލައްގާފައިވަނީ ހޯރަފުށީ ހުލަނގުފަރާތު މަރުމައްޗަށެވެ. މިކަމާ ގުޅޭގޮތުން ހޯރަފުށި ކައުންސިލުން ބުނީ ލެއްގި ބޮޑުމަސް އެ ސަރަހައްދުން ނެގުމަށްފަހު އަތިރިމަތީގައި ވަޅުލާފައިވާކަމަށެވެ. އެ މަސް ވަޅުލާފައިވަނީ ކައުންސިލާއި، ހޯރަފުށީ ޕޮލިސް، އެމް.އެން.ޑީ.އެފް ނޮދަން އޭރިއާ ކޮމާންޑްގެ އިތުރުން އެމް.ޓީ.ސީ.ސީ ހޯރަފުށީ ސައިޓްގެ އެހީތެރިކަމާއެކުގައެވެ.
ބޮޑުމަސް އެއްގަމަށް ގެންނަނީ.
ކައުންސިލުން ބުނީ އެމަހުގެ ބޮޑުމިނުގައި 30 ފޫޓް ހުރިކަމަށެވެ. ލެއްގިއިރުވެސް އެ މަސްއޮތީ ވަރަށްބޮޑަށް ކުނިވެ ހަލާކުވެފައެވެ. ދޭތެރެއަކުން ރާއްޖޭގެ ރަށްތަކަށް މަރުވެފައިހުންނަ ބޮޑުމަސް ލައްގައެވެ. މިގޮތަށް ލެއްގުމުން ބައެއްފަހަރު ކަނޑަށް ބޭރުކުރާއިރު، އަނެއްބައިފަހަރަށް އެއްގަމުގައި އެ ވަޅުލައެވެ.
Advertisement
This content is created and paid for by advertisers and does not involve Voice Journalists
