ހުޅުމާލެ ފޭސް 1 ގެ ފުލެޓެއްގެ ތެރެއިން ދުން އަރާތީ، އެމްއެންޑީއެފް ހުޅުމާލެ ފަޔަރ ސްޓޭޝަނުން މިރޭ ހަރަކާތްތެރިވެއްޖެއެވެ.
އެމްއެންޑީއެފުން މައުލޫމާތު ދީފައިވާ ގޮތުގައި، މި ހާދިސާ ހިނގާފައިވަނީ ހުޅުމާލެ ފޭސް 1 ގެ 100 ވަނަ ފުލެޓުގެ ގްރައުންޑް ފްލޯގައި ހުރި އެޕާޓްމަންޓެއްގައެވެ.
މި ހާދިސާގެ ރިޕޯޓް އެމްއެންޑީއެފް މާލޭ އޭރިއާ ކޮމާންޑް، ހުޅުމާލެ ފަޔަރ ސްޓޭޝަނަށް ލިބިފައިވަނީ ރޭ 19:38 ހާއިރުއެވެ.
ހާދިސާގެ ރިޕޯޓް ލިބުމާއެކު ފަޔަރ ފައިޓަރުން އެ ސަރަހައްދަށް ގޮސް ބެލިބެލުމުން، އެޕާޓްމަންޓުން ދުން އަރާފައިވަނީ އަލިފާން ރޯވެގެން ނޫންކަން އެނގިފައިވާ ކަމަށް އެމްއެންޑީއެފުން ބުންޏެވެ.
އެގޮތުން އެމްއެންޑީއެފުން ބުނީ ދުން އަރަން މެދުވެރިވީ އެޕާޓްމަންޓްގެ ބަދިގޭގައި ކައްކަން އުދާފައި ހުރި ބަތްތެއްޔެއް އަނދައިގެން ދުންގަނެގެން ކަމަށެވެ.
މި ހާދިސާއާ ގުޅިގެން ފަޔަރ ފައިޓަރުން ވަނީ އެޕާޓްމަންޓްގެ ތެރޭގައި ހުރި ދުންތައް ބޭރުކުރުމުގެ މަސައްކަތް ކޮށްފައެވެ.
Advertisement
This content is created and paid for by advertisers and does not involve Voice Journalists
