ސަރުކާރު ހިއްސާވާ ކުންފުނިތައް ރައިޓް ސައިޒް ކުރުމުގެ ނަމުގައި މުއައްޒަފުން މަދުކުރަނީ ވަކިކަމެއް ކުރުމުގެ ބޭނުމުގައި ކަމަށާއި، އެކަމަކީ ވަރަށްބޮޑު އޮޅުވާލުމެއްގެ ތެރެއިން ކުރެާކަމެއްކަމަށް އެމްޑީޕީ ސަރުކާރުގެ އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވެއްޖެއެވެ.
އެސްއޯއީތަކުގެ ބަލަދުވެރިފަރާތް، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ކުންފުނިތަކުގެ މުއައްޒަފުންގެ ތެރެއިން ވަކި އިންސައްތަ މުއައްޒަފުން ވަކިކުރަން ނިންމި މައްސަލާގައި އެމްޑީޕީން މިއަދު ބެއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ފައްޔާޒް ވިދާޅުވީ، ޕީސީބީން ކުންފުނިތައް ރައިޓް ސައިޒްކުރުމަށް ނިންމާފައިވަނީ ސިޔާސީ މަގްސަދެއް ހާސިލްކުރުމުގެ ގޮތުން ކަމަށެވެ. ފައްޔާޒް ވިދާޅުވީ، އެސްއޯއީތަކުގައި މިހާރު ތިބި މުއައްޒަފުންގެ ތެރެއިން 33 އިންސައްތަ މުއައްޒަފުން ވަކިކުރަން ނިންމިއިރު، މިކަން ކުރުމަށް ނިންމި އަސްލު ސަބަބު ސާފުނުވާކަމަށެވެ.
މިކަމަކީ އެތަކެއް ދިވެހި ރައްޔިތުންގެ ދިރިއުޅުމަށް އަސަރުކުރާނޭކަމެއްކަން ފާަހަގަކުަރއްވަމުން ފައްޔާޒް ވިދާޅުވީ، އެސްއޯއީތަކުން އެ އަދަދަސް މުއައްޒަފުން ވަކިކޮށްފިނަމަ، 50،000 ހާހަށްވުރެ ގިނަ މީހުންނަށް އެކަމުގެ ނޭދެވޭ އަސަރު ކުރާނޭކަމަށެވެ. އެއީ ރާއްޖޭގެ އާބާދީގެ 25 އިންސައްތަކަން ފާހަގަކުރައްވަމުން ފައްޔާޒް ވިދާޅުވީ، 14 ހާސް މީހުންގެ ވަޒީފާ ގެއްލިގެންދާއިރު، އެކަމުގެ ސަބަބުން ބައިލައްކައަށްވުރެ ގިނަ މީހުންގެ ދިރިއުޅުމަށް އަސަރުތައް ކުރާއިރު، މިކަމާ ގުޅިގެން އިކޮނޮމިކް މިނިސްޓްރީންވެސް އެއްޗެކޭ ބުނެފަ ނުވާކަމަށެވެ.
ފަންސާސްހާސް މީހުންނަކީ ދިވެހިރާއްޖޭގެ އާބާދީގެ ގާތްގަނޑަކަށް ބަލަންޏާމު ވިހި ފަންސަވިސް ޕަސެންޓްގެ މީހުންނާ އެއްވަރުގެ އަދަދެއް ކޮވިޑުގަ ކޮވިޑުގެ އެ ބޮޑު ޕެންޑަމިކު ތެރޭގައަޅުގަނޑުމެންގެ ސަރުކާރުން 22،945 މީހުން ބެލެހެއްޓިން
ފައްޔާޒް އިސްމާއީލް
ފައްޔާޒް ވިދާޅުވީ ކޮވިޑްތެރޭ ކުރިމަތިވި ބަލިމަޑުކަމުގައި އެމްދީޕީ ސަރުކާރުގައި ވަޒީފާތައް ގެއްލުމުން އެކަމުން ކުރިމަތިވެދާނެ އަސަރުތަކުން ސަލާމަތްކުރުމަށް 419 މިލިއަނެއްހާ ރުފިޔާ ވަރަށް ހާމަކަންބޮޑު ގޮތެއްގައި ހޭދަކުރެވުނު ކަމަށެވެ. ނަތިޖާއެއްގެ ގޮތުން އެސްއޯއީތަކުންވެސް މުއައްޒަފުން ކަނޑަން ނުޖެހި ކަންކަން މެނޭޖްކުރެވުނުކަން ފައްޔާޒް ފާހަގަކުރެއްވިއެވެ.
އެސްއޯއީތަކުން މުއައްޒަފުން ވަކުކުރުމަކީ ވަރަށް ސީރިއަސް ކަމެއްކަން ފާހަގަކުރައްވަމުން ފައްޔާޒް ވިދާޅުވީ، މިކަމުގައިވެސް އޮޅުވާލުންތަކެއް ހުރިކަން ފާހަގަކުރެވިފައިވާަކަމަށެވެ. އެގޮތުން މިހާތަނަށް ވަޒީފާއިން ވަކިކުރި މުއައްޒަފުންނަށް ބަލާއިރު، ފާހަގަކުރެވިގެން ގޮސްފައިވަނީ ހަމައެކަނި އެމްޑީޕީއަށް ނިސްބަތްވާ މުއައްޒަފުންކަން ފައްޔާޒް ވިދާޅުވެފައެވެ. އެހެންކަމުން ޕީސީބީން ކުރަންމިއުޅޭ ކަންކަން ސާފްނުވާަކަމަށާއި، މިއީ ކުންފުނިތައް ހަމަ ސައިޒަށް ގެނައުމުގެ ބަދަލުގައި މީހަކު އަންގައިގެން ކުރާ ކަމެއްކަމަށް ފައްޔާޒް ވިދާޅުވިއެވެ.
އެސްއޯއީތަކުގެ 33 އިންސައްތަ މީހުން ވަކިކުރަން ނިންމި މައްސަލާފައި އިދިކޮޅު އެމްޑީޕީން ފާޑުކިޔަމުންދާއިރު، ޕީސީބީން މިމަހުގެ 12 ވަނަ ދުަވހު ކުންފުނިތަކަށް ފޮނުވާފައިވާ ސާކިއުލާއެއްގައި ބުނެފައިވަނީ، ކުރިއަށްއޮތް ތިން މަސްދުވަހުގެ ތެރޭގައި ހަމަޖެހިފައިވާ އުސޫލްތަކުގެ ތެރެއިން މުއައްޒަފުން މަދުކޮށް ނިންމަން ޖެހޭނޭކަމަށެވެ. އަދި އެ ނިންމުމާ އެއްގޮތަށް ކުންފުނިތަކުން އަމަލުކުރަމުންދާ ގޮތް ބެލުމަށްޓަކައި ހިއްސާކޮށްފައިވާ ފޯމް އަދާހަމަކުރުމަށްފަހު ކޮންމެ ހަފްތާއެއްގެ އާދިއްތަދުވަހު ފޮނުވުމަށް ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
