އިންޓަރނޭޝަނަލް އެއިޑް ކެމްޕޭން (އައިއޭސީ) އިން ދިވެހި ދީލަތި ރައްޔިތުންގެ އެހީތެރިކަމާއެކު، ބާވެ ހަލާކުވެފައިވާ މިސްކިތެއްގެ ބަދަލުގައި ޒަމާނީ ފެންވަރުގެ އާ މިސްކިތެއް ބިނާކުރުމުގެ ބިޔަ މަޝްރޫޢެއް ބަންގްލަދޭޝަގައި ފަށައިފިއެވެ.

އައިއޭސީން މިސްކިތް އަޅާ ސަރަހައްދުގައި މިހާރު ހުރީ އެންމެ 300 މީހުންގެ ޖާގައިގެ ބާވެފައިވާ މިސްކިތެކެވެ. ނަމަވެސް، އައިއޭސީން އަލަށް ބިނާކުރާ މި މިސްކިތަކީ އެއްފަހަރާ 2000 މީހުންނަށް ނަމާދުކުރެވޭނެ ފަދަ ތަނަވަސް އަދި ޒަމާނީ ފަރުމާއަކަށް ހެދޭ މިސްކިތެކެވެ. މި މަޝްރޫޢުގެ ދަށުން މިހާރު މިސްކިތުގެ ގްރައުންޑް ފްލޯގެ މަސައްކަތް އެއްކޮށް ނިމިފައިވާއިރު، ފުރަތަމަ ފްލޯގެ މަސައްކަތްތައް ދަނީ ކުރިއަށެވެ.

މި ބިޔަ މަޝްރޫޢު ނިންމާލުމަށްޓަކައި އަދިވެސް ދިވެހި ރައްޔިތުންގެ އެހީތެރިކަމަށް އައިއޭސީން ވަނީ އެދިފައެވެ. މި މާތް މަސައްކަތުގައި ބައިވެރިވެ، ސަދަގާތުލް ޖާރިޔާގެ ސަވާބު ހޯދުމުގެ ފުރުސަތު މިހާރު ވަނީ ހުޅުވާލެވިފައެވެ.

ބީއެމްއެލް އިސްލާމިކް: 7770000062742

އެމްއައިބީ: 90101555002111002

އެކައުންޓް ނަން: International Aid Campaign

އެކައުންޓް ލޭބަލް: Tajri | Sadaqa Jaariya

އައިއޭސީން މައުލޫމާތު ދޭ ގޮތުގައި، މި މަޝްރޫޢުގެ އަގުތައް ކަނޑައެޅިފައިވަނީ ޕްރޮޖެކްޓް ހިންގުމާއި، ބެލެހެއްޓުމާއި، އިދާރީ ހިންގުމަށް ހިނގާނެ ކަމަށް ލަފާކުރެވޭ އެވަރެޖް 12.5 އިންސައްތަ ހިމެނޭ ގޮތަށެވެ.

މި މަޝްރޫޢާ ގުޅޭ އިތުރު މައުލޫމާތު ހޯއްދެވުމަށް އައިއޭސީގެ ހޮޓްލައިން ނަންބަރު 9122121 އަށް ގުޅުއްވުމަށް އެ ޖަމިއްޔާއިން އެދެއެވެ.