ނޭޕާލަށް ކުރިމަތިވި ފެންބޮޑުވުމުގެ ހާދިސާއާ ގުޅިގެން އެ ޤައުމުގެ ބޮޑުވަޒީރު ބަލެންދުރާ ޝާހަށް ރައީސް ޑރ. މުޙައްމަދު މުޢިއްޒު ތަޢުޒިޔާގެ މެސެޖެއް ފޮނުއްވައިފިއެވެ.
ރައީސް ފޮނުއްވި މެސެޖުގައި ނޭޕާލުގައި ހިނގި ފެންބޮޑުވުމުގެ ސަބަބުން ގިނަ ބައެއްގެ ފުރާނަ ގެއްލި ބޮޑެތި ގެއްލުންތައް ލިބިފައިވާތީ އެ ކަމާ މެދު ފުން ހިތާމަ ފާޅުކުރައްވާފައިވެއެވެ. ދިވެހި ސަރުކާރާއި ރައްޔިތުންގެ ނަމުގައި ނޭޕާލުގެ ބޮޑުވަޒީރަށާއި ސަރުކާރަށާއި ރައްޔިތުންނަށް ޚާއްޞަކޮށް ގާތް މީހުން ގެއްލިފައިވާ ޢާއިލާތަކަށް ރައީސް ވަނީ ހެޔޮ ދުޢާ ރައްދުކުރައްވާފައެވެ.
މީގެ އިތުރުން ފެންބޮޑުވުމުގައި އަނިޔާ ލިބުނު ފަރާތްތަކަށް އަވަސް ޝިފާއެއް ލިބުމަށް ރައީސް އެދިވަޑައިގެންނެވިއެވެ. އަދި ހާދިސާގެ އަސަރުކޮށްފައިވާ މީހުންގެ ސަލާމަތާއި ރައްކާތެރިކަން ކަށަވަރުކުރުމަށް އެމެޖެންސީ ޓީމުތަކުން ކެނޑިނޭޅި ކުރަމުންދާ މަސައްކަތަށް ރައީސް ޑރ. މުޢިއްޒު ވަނީ ތަޢުރީފު ކުރައްވާފައެވެ.
ނޭޕާލުގައި ހިނގި މި ފެންބޮޑުވުމަކީ ކުއްލިއަކަށް ފެންގަނޑު ބޮޑުވެގެން ހިނގި ހާދިސާއެކެވެ. މި ހާދިސާ ހިނގާފައިވަނީ ނޭޕާލް/ޗައިނާ ބޯޑަރު ކައިރީގައެވެ
Advertisement
This content is created and paid for by advertisers and does not involve Voice Journalists
