އިނގިރޭސި ޕްރިމިއާ ލީގްގައި ރޭ މެންޗެސްޓަރ ސިޓީ އާއި ކްރިސްޓަލް ޕެލަސް ބައްދަލުކުރިމެޗް ފަސޭހަކަމާއެކު ސިޓީ ކާމިޔާބުކޮށްފިއެވެ. 

ކްރިސްޓަލް ޕެލަސްގެ ދަނޑުގައި ކުޅުނު މިމެޗް ސިޓީ ކާމިޔާބުކުރީ، 4-1 ގެ ނަތީޖާއިންނެވެ. ފޯރިގަދަ ކުޅުމެއް ފެނިގެންދިޔަ މިމެޗްގައި ތަރިއަކަށްވީ ރަޔާން ޝެރްކީއެވެ. އޭނާ ވަނީ މިމެޗްގައި މޮޅު ކުޅުމެއް ދައްކައި ސިޓީއަށް ދެ ލަނޑު ޖަހައިދީފައެވެ.

މެޗްގައި ސިޓީއަށް ގޯލް ހުޅުވާލަދިނީ ފުރަތަމަ ހާފްގެ 17 ވަނަ މިނެޓް ތެރޭގައި ސެމެންޔޯ ތަނަވަސްކޮށްދިން ފުރުސަތެއްގައި ހާލާންޑެވެ. މި ލަނޑާއެކު ފުރަތަމަ ހާފް ނިމިގެންދިޔައިރު، ސިޓީން ވަނީ ދެވަނަ ހާފްގައި މޮޅަށް ކުޅެ ގިނަ ހަމަލާތައް އުފައްދާފައެވެ. ނަތީޖާއަކަށް ވެގެންދިޔައީ 54 ވަނަ މިނެޓް ތެރޭގައި ޝެރްކީ ގޯލެއް ޖެހުމެވެ. މި ލަނޑަށްފަހު ދެން ފެނިގެންދިޔަ ކްރިސްޓަލް ޕެލަސްގެ ލަނޑަކީ ފޮނުވާލި ހިލޭ ޖެހުމަކުން ދަނޑީގައި ޖެހިފައި ނިކުތްވަގުތު ކީޕަރު ޖިއާންލުއިޖީ ޑޮނަރުއްމާގެ ގައިގައި ޖެހިފައި ބައިކޮޅަށްވަތް ގޯލެކެވެ.

މެޗްގައި ފެނިގެންދިޔަ ސިޓީގެ ތިންވަނަ ލަނޑު 59 ވަނަ މިނެޓް ތެރޭގައި ޝެރްކީ ކާމިޔާބުކޮށްދިންއިރު ފަހު ލަނޑު ހާލާންޑް ކާމިޔާބުކޮށްދީފައިވަނީ، 84 ވަނަ މިނެޓް ތެރޭގައެވެ.

މެޗުގެ ތެރޭގައި ޕެލެސްއަށް ގިނަ ފުރުސަތުތަކެއް ލިބުނުއިރު، އެންމެ ރަނގަޅު ފުރުސަތެއް ލިބުނީ ޓައިރިކް މިޝެލް އަށެވެ. ނަމަވެސް ގާތުގައި ހުރެ އޭނާ ފޮނުވާލި ބޮލުގެ ހަމަލާ ގޯލާ އަމާޒެއް ނުވިއެވެ. މަރެސްކާގެ ސިޓީން ލީގުގެ ފުރަތަމަ ދެ މެޗުންވެސް މޮޅުވެފައިވާއިރު، މި ނަތީޖާއަކީ ކުރީގެ ކޯޗު ޕެޕް ގާޑިއޯލާގެ ދުވަސްވަރު ސިޓީން ފެންނަ ފަދަ ވަރުގަދަ މޮޅެކެވެ.