މުރައިދޫގައި ކުރިއަށްދާ "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި ކުޅުދުއްފުށި ކުޅުނު ފުރަތަމަ މެޗް އެޓީމުން ކާމިޔާބުކޮށްފިއެވެ.
މިފަހަރުގެ މުބާރާތުގައި ކުޅުދުއްފުށި ބައްދަލުކުރަން ޖެހުނީ ނޮޅިވަރަމާއެވެ. މިމެޗް ކުޅުދުއްފުށި ގެންގޮސްފައިވަނީ، 3-1 ގެ ނަތީޖާއިންނެވެ. ފޯރިގަދަ ކުޅުމެއް ފެނިގެންދިޔަ މިމެޗްގެ ފުރަތަމަ ސެޓް ކުރިން ހީކުރި ގޮތާ ހިލާފަށް ގެންގޮސްފައިވަނީ ނޮޅިވަރަމުންނެވެ.
ނޮޅިވަރަމާއި ކުޅުދުއްފުށި ބައްދަލުކުރިމެޗްގެ ތެރެއިން..
ނޮޅިވަރަމުން ފުރަތަމަ ސެޓް ގެންގޮސްފައިވަނިކޮށް ކުޅުދުއްފުށިން ފަހު ތިން ސެޓްވެސް ގެންގޮސްފައެވެ. ދެވަނަ ސެޓް 25-23 ހުން ގެންދިޔައިރު، ތިންވަނަ ސެޓް ގެންދިޔައީ 25-19 އިންނެވެ. އަދި ފަހު ސެޓް ގެންދިޔައީ 25-20 އިންނެވެ.
މުބާރާތުގައި ދެން ކުޅުދުއްފުށި ނިކުންނާނީ ފިއްލަދޫ އާ ދެކޮޅަށެވެ. އަދި ނޮޅިވަރަމް ނިކުންނާނީ ދިއްދޫ އާ ދެކޮޅަށެވެ.
Advertisement
This content is created and paid for by advertisers and does not involve Voice Journalists
