މުރައިދޫގައި ކުރިއަށްދާ "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި މިއަދު ހަވީރު ނޮޅިވަރަމާއި ދިއްދޫ ބައްދަލުކުރިމެޗް ދިއްދޫ ކާމިޔާބުކޮށްފިއެވެ.
ނޮޅިވަރަމާ ދެކޮޅަށް ކުޅުނު މިމެޗް ދިއްދޫ ކާމިޔާބުކުރީ 3-1 ގެ ނަތީޖާއިންނެވެ. މެޗްގެ ފުރަތަމަ ސެޓް ވަރަށް ވާދަވެރި ކުޅުމަކަށްފަހު 25-22 ހުން ދިއްދޫ ކާމިޔާބުކޮށްފައިވަނިކޮށް ނޮޅިވަރަމުން ވަނީ ދެވަނަ ސެޓް 25-22 ހުން ގެންގޮސްފައެވެ. މެޗްގެ ފަހު ދެސެޓް ދިއްދޫ ގެންގޮސްފައިވަނީ ތިންވަނަ ސެޓް 25-14 އަދި ފަހުސެޓް 25-21 ހުންނެވެ.
މިމެޗްގެ މޮޅުކުޅުންތެރިޔާގެ މަގާމް ހޯދީ ދިއްދޫ ޓީމްގެ ޖާޒީ ނަމްބަރު 11 މުހައްމަދު ރަޝީދެވެ.
މޮޅުކުޅުންތެރިޔާގެ މަގާމް ހޯދި މުހައްމަދު ރަޝީދު
މުބާރާތުގައި ދެން ދިއްދޫ އެންމެ އަވަހަށް ނިކުންނާނީ ފިއްލަދޫ އާ ދެކޮޅަށެވެ. އޭގެ ކުރިން ނޮޅިވަރަމް ނިކުންނާނީ ފިއްލަދޫ އާ ދެކޮޅަށެވެ.
Advertisement
This content is created and paid for by advertisers and does not involve Voice Journalists
