އިނގިރޭސިލީގްކަޕް ތިންވަނަ ބުރުގައި ރޭ ލީޑްސް ޔުނައިޓެޑާއި ޗެލްސީ ބައްދަލުކުރިމެޗް ޗެލްސީ ކާމިޔާބުކޮށް ކުރިއަށްއޮތް ބުރުގެ ޖާގައެއް ކަށަވަރުކޮށްފިއެވެ.
ޗެލްސީގެ ދަނޑުގައި ކުޅުނު މިމެޗް އެތީމުން ކާމިޔާބުކުރީ ފަހަތުން އަރައި 6-3 ގެ ނަތީޖާއިންނެވެ. މެޗްގައި ފެނިގެންދިޔަ ފުރަތަމަ ލަނޑު ލީޑްސްއިން ޖަހާފައިވަނީ 23 ވަނަ މިނެޓް ތެރޭގައި މުހަރެމޮވިޗް އެވެ. ފުރަތަމަ ހާފް ނިމިގެންދިޔައީ ލީޑްސް ކުރީގައި އޮވެގެންނެވެ. މެޗްގެ ދެވަނަ ހާފްގެ ކުޅުން ފަށައި ލީޑްސްގެ އާރޮންސަން ވަނީ 48 ވަނަ މިނެތް ތެރޭގައި އިތުރު ލަނޑެއް ޖަހައި މެޗްގެ ނަތީޖާ 2-0 ކަށް ބަދަލުކޮށްފައެވެ.
މެޗްގައި ޗެލްސީން ޖެހި ފުރަތަމަ ލަނޑު އެޓީމަށް ޖަހައިދިނީ ލިބުނު ޕެނަލްޓީއަކުން 53 ވަނަ މިނެޓް ތެރޭގައި ކޯލް ޕާމާ އެވެ. އޭގެ މިނެޓެއްފަހުން ޕާމާ ވަނީ އިތުރު ލަނޑެއް ޖަހައި މެވްގެ ނަތީޖާ އެއްވަރުކޮށްފައެވެ. ޗެލްސީއަށް ފުރަތަމަ ފަހަރަށް މިނެޗްގައި ލީޑް ހޯދައިދިނީ60 ވަނަ މިނެޓް ތެރޭގައި ނީޓޯ އެވެ. އަދި އޭގެ ހަތަރު މިނެޓްފަހުން ވެލްބެކް ވަނީ ލަނޑެއް ޖަހައި ޗެލްސީއަށް ލީޑް ފުޅާކޮށްދީފައެވެ.
ޗެލްސީން ދެ ލަނޑުގެ ލީޑެއް ނަގާފައިވަނިކޮށް ލީޑްސްގެ ލެވިސް ވަނީ 75 ވަނަ މިނެޓް ތެރޭގައި ލަނޑެއް ޖަހައި އުއްމީދު އާކޮށްދީފައެވެ. ނަމަވެސް މެޗް އެއްވަރުކުރުމަށް ލީޑްސްއިން ކުރަމުން އައި އުއްމީދުތައް ގެއްލުނީ ބާކޯ އަދި ވެލްބެކް ޖެހި ލަނޑުތަކުންނެވެ.
Advertisement
This content is created and paid for by advertisers and does not involve Voice Journalists
