ހޭންވޭރު ޕޮލިހުން ތަހުގީގު ކުރަމުންދާ، ވައްކަމުގެ މައްސަލައަކާ ގުޅިގެން މީހަކު ހޯދަން އިއުލާނު ކޮށްފި އެވެ.

ވީޑިއޯއެއް އާންމުކޮށް ފުލުހުން ބުނީ ވީޑިއޯއިން ފެންނަ މީހާއާ ބެހޭ އެއްވެސް މަޢުލޫމާތެއް ލިބިފައިވާނަމަ ހެންވޭރު ޕޮލިސް އިންވެސްޓިގޭޝަން ނަންބަރާ ހިއްސާކުރުމަށް އެދޭ ކަމަށެވެ.

ފުލުހުން އާންމުކުރި ވީޑިއޯގައި ފެންނަނީ ދެބައި އުމުރުގެ ދިވެއްސެކެވެ. ވީޑިއޯގައި ފުރަތަމަ ފެންނަނީ އެ މީހާ ހެންވޭރު ބަސް ޓާމިނަލްގެ ބޭރުގައި ފޯނެއްގައި ހުއްޓަ އެވެ. އަދި ފަހުން ޓާމިނަލްގެ އެތެރެއަށް ވަދެ އެ ތަނުގައި ހަރުކޮށްފައިވާ ދެ ޓީވީގެ ތެރެއިން އެއް ޓީވީ ނައްޓާލައިގެން ގެންދެ އެވެ. އޭރު ވެސް އެތަނުގައި އެތައް ބަަޔަކު ތިއްބެ އެވެ.

އެ މީހާ އެކަން ކުރަނީ ވެސް ވަރަށް ހަމަޖެހިލައިގެންނެވެ. ބެލެވެނީ މެއިންޓަނަސް މީހަކަށް ވެގެން އައިސް އެކަން ކުރާ ގޮތް ދައްކަނީ ކަމަށެވެ. ދެން ތިބި މީހުން އަޅައިނުލައި ތިބީވެސް އެހެން ހީކޮށް ކަމަށް ބެލެވެ އެވެ.