މުރައިދޫގައި މިހާރު ކުރިއަށްދާ "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގެ ސެމީފައިނަލުގެ ފަހު ޖާގަ، ބާރަށް އަދި ވަށަފަރު ހޯދައިފިއެވެ.
މުބާރާތުގެ ފައިނަލުގެ ޖާގަ ބާރަށް ކަށަވަރުކުރީ ކުއާޓާ ފައިނަލުގައި ފިނޭއާ ދެކޮޅަށް ކުޅުނުމެޗް ކާމިޔާބު ކޮށްގެންނެވެ. ވާދަވެރި ކުޅުމެއް ފެނިގެންދިޔަ މިމެޗް ބާރަށް ކާމިޔާބުކުރީ ސީދާ ތިން ސެޓުންނެވެ. މެޗްގެ ސެތްތައް ބާރަށް ގެންގޮސްފައިވަނީ ފުރަތަމަ ދެ ސެޓް 25-14، އަދި ތިންވަނަ ސެޓް 25-16 އިންނެވެ.
މިމެޗްގެ މޮޅު ކުޅުންތެރިޔާގެ މަގާމް ހޯދާފައިވަނީ، އަލީ އާމިރެވެ.
މޮޅުކުޅުންތެރިޔާގެ މަގާމް ހޯދި އާމިރު..
މިރޭ ކުޅުނު ކުއާޓަރ ފައިނަލުގެ ފަހު މެޗް ވަށަފަރު ކާމިޔާބުކޮށްފައިވަނީ ދިއްދޫ އާ ދެކޮޅަށް ކުޅުނުމެޗް ކާމިޔާބުކޮށް ގެންނެވެ. މިމެޗް ވަށަފަރު ޓީމް ކާމިޔާބުކުރީ ވަރަށް ވާދަވެރި ކުޅުމަކަށްފަހު 3-2 ކުންނެވެ. މެޗްގެ ފުރަތަމަ ދެ ސެޓް ގެންގޮސްފައިވަނީ ދިއްދޫއެވެ. އެއީ ފުރަތަމަ ސެޓް 27-25 އަދި ދެވަނަ ސެޓް 25-21 ހުންނެވެ. މެޗްގެ ފަހު ތިންސެޓް ވަށަފަރު ގެންގޮސްފައިވަނީ، 27-25، 25-22 އަދި ފަހު ސެޓް 15-6 ކުންނެވެ.
މުބާރާތުގެ ސެމީފައިނަލް މެޗްތައް ކުޅުމަށް ހަމަޖެހިފައިވަނީ އަންނަ ބްރާސްފަތި ދުވަހެވެ. ފައިނަލްމެޗް ކުޅުމަށް ހަމަޖހެިފައިވަނީ 19 ވާ ހޮނިހިރުދުވަހުގެ ރޭ 20:30 ގައެވެ.
Advertisement
This content is created and paid for by advertisers and does not involve Voice Journalists
