މުޒާހަރާގެ ބައިވެރިން މިފަހަރު ކީ ބޭބީ ޝާކް ލަވަ!
މުޒާހަރާތަކާއި އިހުތިޖާޖުތަކަކީ ކުރިއަރަމުންދާ އަދި ކުރިއަރާފައިވާ ޑިމޮކްރަސީތަކުގައިވެސް ރައްޔިތުންގެ ހައްގުތައް ހޯދުމަށް ބޭނުންކުރާ އެންމެ ބޮޑު އެއް ވަސީލަތެވެ. އާންމު ފަރުދުންގެ އާދޭސްތައް ވެރިންގެ ކަންފަތްތަކަށް އިއްވައިދިނުމަށް ބޭނުންކުރާ ކުރު ރާސްތާއެކެވެ. ނަމަވެސް ގައުމުގެ ގިނަ ފަރާތްތަކެއްެގެ ނަމުގައި ކުރާ ކޮންމެ މުޒާހަރާއަކުންވެސް އުނދަގޫވެދާނެފަދަ ފަރާތްތަކެއް ތިބޭނެކަމީ ދެބަސްވެވެން ނެތް ހަގީގަތެކެވެ.
މީގެ ތެރެއިން އެއްފަރާތަކަށް ވާނީ ކުޑަކުދިންނާއި އެކުދިންގެ މައިންބަފައިންނެވެ. މުޒާހަރާާގެ އަޑުތަކުން ކުދިންގެ ނިދި މަހުރޫމްވެގެންދާއިރު، އޭގެ ސަބަބުން ކުއްޖާއަށް ނޭދެވޭ އަސަރުތަކެއް ކުރުމަކީވެސް އެކަށީގެންވާާ ކަމެކެވެ.
ނަމަވެސް މިފަހަރު މިވީ މުޅިން އާދަޔާ ޚިލާފު ގޮތެެކެވެ. ކުޑަކުއްޖަކު މަސަލަސްކޮށް ހެއްވާލަދިނުމުގެ ނިޔަތުގައި މުޒާހަރާގެ ބައިވެރިން ވަނީ ކުޑަކުއްޖަކަށް ލަވަކިޔައިދީފައެވެ.
ލުބްނާނުގެ އިގްތިސާދު ބަލިކަށިވެ، އާންމު ފަރުދުންގެ ދިރިއުޅުމުގެ ހާާލަތު ދަށްވުމުގެ ސަބަބުން ގިނައަދަދެއްގެ ރައްޔިތުން ވަނީ މަގުމައްޗަށް ނުކުމެފައެވެ. އެގޮތަށް ޝުއޫރު ފާޅުުކުރަން ނުކުމެ އުޅުނު ރައްޔިތުންތަކަކާާއި ލުބްނާންގެ ވެރިރަށް ބެއިރޫތުގެ ކައިރީގައިވާ ބާބްދާާ ޑިސްޓްރިކްޓްގައި ކާާރު ދުއްވާފައިދިޔަ އިލައިންއާާއި ދިމާާވިއެވެ.
އިލައިން ބުނީ އެފަރާާތްތައް އޭނާގެ ކާާރު ވަށާލުމުން ކާާރުގައި ކުޑަކުއްޖެއް އިންކަމަށާއި އެހެންކަމުން އަޑުމަޑުކުރުމަށް އެފަރާތްތަކުގެ ކިބައިން އެދުނުކަމަށެވެ. ނަަމަވެސް ކަންދިމާވީ އޭނާ ހީވެސް ނުކުރާކަހަލަ ގޮތަކަށެވެ.
މުޒާހަރާާގެ ބައިވެރިން އޭނާގެ ދަރިފުޅު ހެއްވާލުމުގެ ނިޔަތުގައި ކުޑަކުދިންގެ މަޝްހޫރު ލަވަ ބޭބީ ޝާކް ކިޔަންފެށީއެވެ. މި މަންޒަރު ސޯޝަލް މީޑިޔާގައި ދައުރުވަމުންދާއިރު، ގިނަ ބަޔެއްގެ ސަމާލުކަން އެކަމަށް ދަނީ ލިބެމުންނެވެ.
އިލައިން ބުނީ އެ ލަވަޔަކީ އޭނާގެ ދަރިފުޅަށް ވަރަށް ކަމުދާ ލަވައެއްކަމަށާއި މުޒާހަރާގެ ބައިވެރިން އެލަވަ ކިޔުމުން ހައިރާންވެ އުފާވިކަމަށެވެ.
Advertisement
This content is created and paid for by advertisers and does not involve Voice Journalists