އިންފޮރމޭޝަން ކޮމިޝަނަރގެ އޮފީހަށް ސިޔާސީ ޕާޓީތަކުގެ ފަރާތުން ހުށައަޅަންޖެހޭ ރިޕޯޓް ހުށަނާޅާކަމަށް އިންފޮރމޭޝަން ކޮމިޝަނަރ ހުސެއިން ފިޔާޒް މޫސާ ވިދާޅުވެއްޖެއެވެ.
ފިޔާޒް މިފަދައިން ވިދާޅުވީ އައިކޮމް އޮފީހުގެ "މާއްދާ 29، މި ވެސް ހައްގެއް" ކެމްޕެއިން ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
އެބޭފުޅާ ވިދާޅުވީ ވޭތުވެދިޔަ ފަސް އަހަރު ތެރޭގައި އެކި އެކި ފަރާތްތަކުން އައިކޮމްގެ އޮފީހަށް 6،000 ރިޕޯޓް ހުށަހަޅަން ޖެހޭއިރުގައި، އެ ރިޕޯޓްތައް ހުށައެޅި އަދަދަކީ 702ކަމަށެވެ. ފިޔާާޒް ވަނީ އެކަމާއި މެދު ހިތާމަކުރައްވާ ކަމަށް ވިދާޅުވެފައެވެ.
ފިޔާޒް ވަނީ ސިޔާސީ ޕާޓީތަކުންވެސް އެ ރިޕޯޓްތައް ހުށައަޅާފައި ނުވާކަމަށް ފާހަގަކުރައްވާފައެވެ. މިއާއި އެކު އެ ޖަލްސާގެ ޝަރަފްވެރި މެހެމާނެއްގެ ގޮތުގައި އިންނެވި އިކޮނޮމިކް މިިނިސްޓަރ ފައްޔާޒު އިސްމާާއިލް ވަނީ އެމްޑީޕީން ވާނީ ހުރިހާ ރިޕޯޓެއްވެސް ހުށަހަޅަންޖެހޭ އިދާރާތަކާއި ހިއްސާކޮށްފައިވާ ކަމަށް ވިދާޅުވެފައެވެ.
އަދި ފަހަރެއްގައި އިންފޮރމޭޝަން ކޮމިޝަނަރަށް އޮޅުނީކަަމަށްވެސް ވެދާނެކަމަށް ފައްޔާާޒު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
