ދިވެހިރާއްޖޭގައި ކޮވިޑް-19 ޖެހިގެން ފަރުވާދެމުންދިޔަ 13 މީހުންގެ ތެރެއިން ޖުމްލަ އަށް މީހަކު ބަލިން ސަލާމަތްވެއްޖެއެވެ.

އެޗްޕީއޭއިން މިރޭ ކުރި ޓްވީޓެއްގައި ބުނީ އއ.ވެލިދޫ އައިސޮލޭޝަން ފެސިލިޓީގައި ތިބި ކޮވިޑް-19 އަށް ޕޮޒިޓިވް ތިން މީހަކު ރަނގަޅު ވެފައިވާ ކަމަށެވެ. އެގޮތުން ސާދަ ދުވަހު އެކަހެރިކޮށް ތިބުމަށްފަހު އެމީހުންގެ ނަތީޖާ ޑަބަލް ނެގެޓިވް ވެފައިވާ ކަމަށެވެ.

މިއާއިއެކު، ދިވެހިރާއްޖޭގައި ކޮވިޑް-19 ޖެހުނު ތޭރަ މީހުންގެ ތެރެއިން މިހާރު ފަރުވާދެމުންދަނީ އެންމެ ފަސް މީހުންނަށެވެ. އެމީހުންގެ ހާލުވެސް ރަނގަޅުކަމަށް މައުލޫމާާތުލިބެއެވެ.

ދިވެހިރާއްޖޭގައި ކޮވިޑް-19 އަށް ޕޮޒިޓިވްވެފައިވާ އެންމެންނަކީވެސް ބިދޭސީންނެވެ