މިނިސްޓަރ އަސްލަމް ހަދަން ނުފަށާކަމަށް ވިދާޅުވި އެއްކޮޓަރި ގެ ސްޓަރަކްޗަރ ހުރީނިމިފައި!

08 Jul 2020 | 20:10

ހިޔާ މަޝްރޫއުގެ ދަށުން ދޭން އިއުލާންކުރި އެއް ކޮޓަރީގެ ފްލެޓް ދިނުމަށް ހަމަޖެހިފައިވާ ބައެއް އިމާރާތްތަކުގެ ކޮންކްރީޓް ސްޓްރަކްޗަރ ނިމިފައިވަނިކޮށް، އެއްކޮޓަރީގެ ފްލެޓް އަޅަންނުފަށާކަމަށް ހައުސިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެއެވެ.

މިނިސްޓަރު އަސްލަމް މިއަދު ބޭއްވި ނޫސްވެރިންގެ ބައްދަލުވުމުގައި ވިދާޅުވީ ހިޔާ މަޝްރޫއުގެ ދަށުން ދޭނެ ކަމަށް މިދިޔަ ސަރުކާރުން އިއުލާން ކުރި ނަމަވެސް ބައެއް ކެޓަގަރީތަކުގެ ފްލެޓްތައް އަޅަން ފަށާފައި ނުވާ ކަމަށެވެ.

"އެއް ކޮޓަރީގެ ފްލެޓްތައް ހަދަން ފަށާފައެއް ނެތް. އިއުލާން ކުރި ނަމަވެސް ހަދަން ފަށާފައެއް ވެސް ނެތް،" މިނިސްޓަރު އަސްލަމް ވިދާޅުވި އެވެ.

މިނިސްޓަރ އަސްލަމް މިފައިން ހާމަކުރައްވާފައިވީނަމަވެސް، އެއްކޮޓަރީގެ ފްލެޓްތަކުގެ މަސައްކަތް ހުޅުމާލެގައި ސަރުކާރު ކުންފުނިތަކުން އަޅަމުންދާ ފްލެެޓްތަކުގެ ތެރޭގައި ކުރިއަށް އެބަދެއެވެ.

ވޮއިސްގެ ފަރާތުން ވަނީ މިހާރު ކުރިއަށް ދާ ކުންފުނި ތަކުން އަޅަމުންދާ ފްލެޓަތައް ބަލާލުމަށް ހުޅުމާލެ ދެވަނަ ފިޔަވައްސައް ޒިޔާރަތްކޮށްފައެވެ.

މިނިސްޓަރ ވަނީ މިހާރު ނިމިފައިވާ 7000 ފްލެޓްގައި 1 ކޮޓަރި ނެތްކަމަށް ވިދާޅުވެފައެވެ. ނަމަވެސް މިއީ ޕްރޮޖެޓް ފްލޭންގައިވެސް 2 ކޮޓަރީގެ ގޮތުގައި އަޅަން ހަމަޖެހިފައިވާ 7000 ޔުނިޓުކަން ފާހަގަކޮށްލަންޖެހެއެވެ. މިއީ ހިޔާ ފްލެޓްގެ އެއްސެގްމަންޓެވެ. މި ސަރުކާރުން ވިޔަފާރި ކުރުމަށް 280 ފްލެޓް ނެގުމުން މި އަދަދު ވަނީ 6720 އަށް މަދުވެފައެވެ.

ހިޔާގެ ދަށުން އެއްކޮޓަރު ދޫކުރުމަށް ހަމަޖެހިފައިވަނީ ހިޔާ ފްލެޓް އެޅުމަށް ހަވާލުކޮށްފައިވާ ސަރުކާރު ކުންފުނިތަކުންނެވެ. އޭގެ ތެރޭގައި އެމްޕީއެލް އަދި ސްޓެލްކޯގެ ފްލެޓްތަކުގެ ސްޓްރަކްޗަރ މަސައްކަތް ވަނީ ނިމިފައެވެ. މިކުންފުނިތަކުގެ ފުރަތަމަ 4 ފަންގިފިލާ ހާއްސަކުރެވިފައިވަނީ އެއްކޮޓަރިއަށެވެ. މިއީ މިހާރު ސަރުކާރުގައި ގެޒެޓް ކުރެވިފައިވާ އެއްކޮޓަރީގެ ހައްގުވެރި ފަރާތްތައް ވަނުމަށް ހަމަޖެހިފައިވާ ކޮޓަރިތަކެވެ. މިވަގުތު ހުއްޓިފައިވާ އެސްޓީއޯ، ޕީއެސްއެމް ފަދަ ކުންފުނިތަކުގައި ވެސް އެއްކޮޓަރިތައް ހިމެނޭނެއެވެ. މި ސަރުކާރު އައުމަށްފަހު މި ކުންފުނިތަކުގެ މަސައްކަތް ވެސް ވަނީ ނުފެށި ހުއްޓިފައެވެ.

މިނިސްޓަރ އަސްލަމް އެއްކޮޓަރީގެ ތަފްސީލް އިތުރައްް ދެއްވާފައެއްނުވެއެވެ. އެހެންކަމުން މިހާރު ފްލެޓް ލިސްޓުގައި ހިމެނިފައިވާ ފަރާތްތަކުން އަންނީ ސަރުކާރަށް ފާޑުކިޔައި ކަންބޮޑުވުން ފާޅުކުރަމުންނެވެ. ރައްޔިތުންނަށް އެއްކޮޓަރީގެ މައްސަލާގައި ސަރުކާރުން ސާފު ޖަވާބެއް މިހާތަނަށްވެސް ދެއްވާފައިނުވާ އިރު މިފަދަ ނޫސްވެރިންގެ ބައްދަލުވުމުން ވެސް ހަޤީގްތް އޮޅޭގޮތައް މައުލޫމާތު ދޭކަމަށް ބުނެ ގިނަ ބަޔަކު އަންނަނީ ހިޔާ ފްލެޓްގެ ކަންތަކާ ބެހޭގޮތުން ހެދިފައިވާ ވިއިބާރ ގްރޫމް "ކޮތަރު ކޮށި" ގައި ކަންބޮޑުވުން ފާޅުކުރަމުންނެވެ.


Advertisement

ކޮމެންޓް

Advertisement