އެ ގޮތުން އަންނަ އޮކްޓޯބަރު މަހުގެ ތެރޭގައި 45،000 ޓަނުގެ ދެ ހޮޕާ ޑްރެޖަރާއި 11،000 ޓަނުގެ ހޮޕަ ޑްރެޖަރެއް ބޭނުން ކުރަން ފަށަން ހަމަޖެހިފައިވާ ކަމަށް އެޗްޑީސީން ވަނީ ބުނެފަ އެވެ.

ފަސްތަރީގެ އެ ހޮޓާ ތަރައްޤީކުރުމަށް ނިންމާފައިވަނީ، ކުރިއަށްއޮތް 12 މަސްދުވަހުގެ ތެރޭގައި މަސައްކަތް މުޅިން ނިންމާގޮތަށެވެ. މީގެ އިތުރުން އެތަން ހަދާނިމޭއިރު، މި ސަރުކާރުން ގާއިމްކޮށްދޭން ވައުދުވި މީޑިއާ ވިލެޖާއި، އެމްއެންޔޫ މެޑިކަލް ސްކޫލާއި، ތަރިކަ ކޮލެޖާއި، އަދި ޔޫތް ސެންޓަރެއް ހުންނާނެއެވެ.

މިއީ، 4000 ފްލެޓުތައި އަލަށް މީހުން ދިރިއުޅެން ފެށުމުގެ ކުރިން އެ ސަރަހައްދުގައި އަސާސީ ވަސީލަތްތައް ގާއިމްކުރުމަށް އެޗްޑީސީން ކުރަމުން އަންނަ މަސައްކަތްތަކުގެ ތެރެއިން މަސައްކަތެކެވެ.

ރަސްމާލެ ހިއްކުން އަވަސްކުރުމުގެ ގޮތުން އިތުރު ޕާޓިއެއް ރާއްޖެ ގެނެސްފައިވާއިރު، ހިއްކުމަށް ގެނައި ބޯޓު މިހާރު އޮތީ ކަސްޓަމްސްއިން ކްލިއާ ކުރުމުގެ މަރުހަލާގައެވެ. އެގޮތުން ކްލިއާވުމަށްފަހު މިހަފްތާގެ ތެރޭގައި ރަސްމާލެ ހިއްކުމުގެ މަސައްކަތް ފަށާނޭކަމަށް އެޗްޑީސީން ވަނީ ބުނެފައެވެ.