މެޑަމް ސާޖިދާ ފާހަގަކުރެއްވި ގޮތުގައި، ޑައުން ސިންޑްރޯމް ހުންނަ ފަރާތްތަކަށް މުޖްތަމަޢުގެ ތެރޭގައި ގިނަ ފަހަރަށް ބާކީވުމާއި އެކަހެރިކަމުގެ ހިތްދަތި އިޙްސާސްތަކާ ކުރިމަތިލާން ޖެހެއެވެ. ނަމަވެސް، އެފަދަ ގޮންޖެހުންތަކާ އެކުވެސް އެފަރާތްތަކަކީ އިންތިހާއަށް ލޯތްބާއި، އޯގާތެރިކަމާއި، އަދި ކަންކަމުގައި ސާބިތުކަން ދައްކުވައިދޭ ނަމޫނާ ބައެއްކަން އެކަމަނާ ފާހަގަކުރެއްވިއެވެ.

ދުނިޔޭގެ ޑައުން ސިންޑްރޯމް ދުވަހުގެ މުނާސަބަތުގައި މިއަދު އެކްސްގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ، އެފަދަ ފަރާތްތަކަށް އިޙްސާންތެރިވުމަކީ ބޮޑުވެގެންވާ ދަރުމައާއި އަޖުރު އެކަމުގައި އެކުލެވިގެންވާ ކަމެއް ކަމަށެވެ.