ރޭ ޒުވާނުން ކުރި މުޒާހަރާގައި ބަޔަކު ހައްޔަރުކުރުމާއި ގުޅިގެން ރައީސް ޑރ. މުޙައްމަދު މުޢިއްޒުގެ އަންހެން ދަރިފުޅު މީސްމީޑިއާގައި ކުރެއްވި ޕޯސްޓެއް ކަމަށް ބުނެ ފަތުރަމުންދަނީ ފޭކު ފޮޓޯއެއް ކަމަށް ރައީސްގެ އާއިލާގެ ގާނޫނީ ވަކީލް އައިޝަތު އާޒިމާ ޝަކޫރް ވިދާޅުވެއްޖެއެވެ.

މާލޭ ހެންވޭރުގައި ހުރި ގުދަނެއްގެ މައްޗަށް އަންހެނަކު ވެއްޓުނު ހާދިސާއާއި ގުޅިގެން، އެ އަންހެން މީހާއަށް އިންސާފު ހޯދައިދިނުމަށް ކަމަށް ބުނެ، ސިލްސިލާކޮށް ޒުވާނުން ކުރަމުންދިޔަ މުޒާހަރާ، ފުލުހުން ރޫޅާލުން އިދިކޮޅު އެމްޑީޕީން ކުށްވެރިކޮށްފިއެވެ.