ރައީސުލްޖުމްހޫރިއްޔާ ޑރ މުހައްމަދު މުޢިއްޒު ރަށަކަށް ވަޢުދެއް ވެވަޑައިގެންފައިވާ ނަމަ، އެ ވަޢުދެއް ފުއްދަވާނެ ކަމަށް ތިމާވެއްޓާ ބެހޭ ވަޒީރު ޠާރިޤު އިބްރާޙީމް ވިދާޅުވެއްޖެއެވެ.

އައްޑޫ ސިޓީގައި 10 މެގަވޮޓްގެ ފްލޯޓިން ސޯލާ ޕަވަރ ނިޒާމެއް ޤާއިމުކުރުމަށް އިންވެސްޓަރުން ހޯދަން އިއުލާންކޮށްފި އެވެ. އެގޮތުން، ލޮޓް 1 ގެ ދަށުން 2 މެގަވޮޓްގެ ފްލޯޓިންގ ސޯލާ ޕެނަލް ސ. މަރަދޫ ހާބަރ އަދި ސ. ހުޅުމީދޫ ސެންޓްރަލް ހާބަރގައި އިންސްޓޯލްކުރުމުގެ މަސައްކަތް ކުރިއަށް ގެންދިޔުމަށާއި ލޮޓް 2 ގެ ދަށުން 8 މެގަވޮޓްގެ ފްލޯޓިންގ ސޯލާ ޕެނަލް ސ. ހިތަދޫ ޕޯޓް އޭރިއާގައި އިންސްޓޯލްކުރުމުގެ މަސައްކަތް ކުރިއަށް ގެންދިޔުމަށް ހަމަޖެހިފައިވާކަމަށް ވުޒާރާއިން މައުލޫމާތުދެއެވެ.