އިންޑިޔާގެ އެންމެ ދުވަސްވީ މަދްރަސާ ގައި ހުޅުޖަހައި އަންދާލައިފި
އިންޑިޔާގެ ބިހާރް ޝަރީފް ގައި ހުންނަ މަދްރަސާ ޢަޒީޒާ ނަމަކަށް ކިޔާ ދުވަސްވީ މަދްރަސާ އެއް އިންޑިޔާގެ ހިންދޫންގެ ޖަމާޢަތަކުން ހުޅުޖަހައި އަންދައިލައިފިއެވެ.
މި މަދްރަސާ އަކީ އިންޑިޔާގައި ހުރި އެންމެ ދުވަސްވީ މަދްރަސާ ކަމުގައި ބުނެވެއެވެ. މަދްރަސާ އަކީ ޤުރުއާން ހިތުދަސްކޮށްދިނުމާއި ދީނުގެ އެކި އެކި ޙުކުމްތަކާއި ކަންކަން ކުޑަ ކުދިންނަށާއި ބޮޑެތި މީހުންނަށް ދަސްކޮށްދިނުމަށް ޚާއްސަކޮށްގެން ހިންގޭ ތަންތަނަށް ކިޔައި އުޅޭ ނަމެކެވެ.
ބިހާރް ޝަރީފްގައި ހުންނަ މަދްރަސާ ޢަޒީޒާ އަންދާލައިފައިވަނީ ހިންދޫން ފާހަގަ ކުރަމުންދިޔަ އެމީހުންގެ ދީނުގެ މުނާސަބަތެއް ކަމަށްވާ "ރާމް ނަވާމީ" ފާހަގަ ކުރުމުގެ ތެރޭގައެވެ.
މަދްރަސާ އަންދާލުމުގެ ތެރޭގައި އެތަނުގެ އެތެރޭގައި ހުރި 4000 އަށްވުރެ ގިނަ ފޮތް ވަނީ ބޭނުން ނުކުރެވޭވަރަށް އަންދާލައިފައެވެ. އެތަނުގެ އެތެރޭގައި ބޭނުން ކުރެވޭނެ ފަދަ އެއްވެސް އެއްޗެއް ނެތް ކަމަށް ވަނީ ބުނެފައެވެ.
ރަމަޟާން މަހާއި ގުޅިގެން އިންޑިޔާގެ ހައްދުފަހަނަ އެޅި ހިންދޫންގެ ދުއްތުރާތައް ވަނީ ވަރަށް ބޮޑަށް އިތިރުވެގެން ގޮއްސައެވެ. މިސްކިތް ތަކުގައި ނަމާދަށް ތިބޭ ވަގުތު އެމީހުންގެ ދީނުގެ ޝިޢާރުތައް އަޑުގަދަކޮށް ގޮވުމާއި މިސްކިތްތަކަށް އޮއް ގައު އުކުން ފަދަ ކަންކަންވެސް އަންނަނީ ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
