ނިއު ދިއްލީއަށް އާޓިފިޝަލް ވާރޭ ވެއްސަނީ

ވައި ސާފުކުރުމުގެ ބޭނުމުގައި  އިންޑިއާގެ ވެރި ރަށް ނިއު ދިއްލީއަށް އާޓިފިޝަލް ވާރޭ ވެއްސަން ނިންމައިފިއެވެ.

ދިއްލީގެ ވައި ތަގައްޔަރުވުމާ ދެކޮޅަށް މަސައްކަތް ކުރުމުގެ ގޮތުން އިންޑިއަން އިންސްޓިޓިއުޓް އޮފް ޓެކްނޮލޮޖީ (އައިއައިޓީ) ދިއްލީން ދަނީ ވައި ސާފުކުރުމަށްޓަކައި ވަނީ އާޓިފިޝަލް ވާރޭ ބޭނުންކުރުމުގެ މަސައްކަތް ފަށާފައެވެ.

އެ ޓީމުން ވަނީ ޖައްވަށް ފެނުގެ އާވި ފޮނުވާލެވޭ ޓެކްނޮލޮޖީއެއް ތަރައްގީކޮށް، އެއިން ވާރޭވެހޭނެ ޓެކްނޮލޮޖީއެއް ޓެސްޓުކޮށްފައެވެ. އެ ޓީމުން މިހާރު ދަނީ މި ޓެކްނޮލޮޖީގެ ޓެސްޓް ކުރުމަށް ޕައިލެޓް ޕްރޮޖެކްޓެއްގެ މަސައްކަތް ކުރަމުންނެވެ.

ދިއްލީގައި ވައި ތަގައްޔަރުވެރިވަނީ ޑަބްލިއުއެޗްއޯއިން ނުރައްކާތެރި މިންގަނޑުކަމަށް ކަނޑައާޅާފައިވާ މިންގަޑަށްވުރެ ވެސް އިތުރަށެވެ. ވައި ތަގައްޔަރުވުމުގެ ސަބަބުން ދިއްލީގައި ދިރިއުޅޭ މީހުންގެ ސިއްހަތައްވެސް ނުރައްކާވާނެކަމުގެ ކަންބޮޑުވުން މިހާރު ވަނީ އުފެދިފައެވެ.

އާޓިފިޝަލް ވާރޭ އަކީ ޓެކްނޮލޮޖީއެއް ކަމަށް ވާތީ އޭގެ ސަބަބުން ތިމާވެށްޓަށް ކުރާނެ އަސަރުތަކާ މެދު ބައެއް ކަންބޮޑުވުންތައް އެބަހުއްޓެވެ. މިސާލަކަށް އާޓިފިޝަލް ވާރޭ ސަބަބުން ފެން ތަޣައްޔަރުވެދާނެތީ ބައެއް ތަޖުރިބާކާރުން ކަންބޮޑުވެއެވެ.

މި ކަންބޮޑުވުންތައް ހުރި ނަމަވެސް އައިއައިޓީ ދިއްލީ ޓީމުން ގަބޫލުކުރާ ގޮތުގައި އާޓިފިޝަލް ވާރޭ ވެހުމަކީ ވައި ތަޣައްޔަރުވުމާ ދެކޮޅަށް ކުރާ މަސައްކަތުގައި އަގުހުރި ވަސީލަތަކަށް ވެދާނެއެވެ. އެ ޓީމުން ދަނީ ޓެކްނޮލޮޖީ ތަރައްގީ ކުރަމުން ކަމަށާއި ކައިރި މުސްތަގުބަލެއްގައި ބޮޑު ޓްރައިއަލްއެއް ކުރިއަށް ގެންދިއުމަށް އުންމީދުކުރާ ކަމަށް އެ ޓީމުން ހާމަ ކުރިއެވެ.

މި ނޮވެންބަރު މަހުގެ 20 އަދި 21 ވަނަ ދުވަހު އާޓިފިޝަލް ވާރޭ ދިއްލީއަށް ވެއްސުމަށް ވަނީ ނިންމާފައި ވާއިރު އައިއައިޓީ ދިއްލީ ޓީމަކީ ވައި ތަޣައްޔަރުވުމާ ދެކޮޅަށް އާޓިފިޝަލް ވާރޭ ބޭނުންކުރުމުގެ މަސައްކަތް ފުރަތަމަ ދިރާސާކުރާ ޓީމެއް ނޫނެވެ. 2019 ވަނަ އަހަރު ޔުނައިޓެޑް އަރަބް އެމިރޭޓްސް (ޔޫއޭއީ) އިން ވަނީ ޑްރޯން ބޭނުންކޮށްގެން ވިލާތައް ސީޑުކޮށްގެން ވާރޭ އުފެއްދުމުގެ މަޝްރޫއެއް ފަށާފައެވެ.