24 ގަޑިއިރުތެރޭ 24 ޔަހޫދީ ސިފައިން މަރައިލުމުން ޔަހޫދީންނަށް ބޮޑު ސިހުމެއް

ފަލަސްޠީނުގެ މިނިވަންކަމަށްޓަކައި ޖިހާދު ކުރަމުންދާ ހަމާސްގެ މުޖާހިދުން 24 ގަޑިއިރުތެރޭ ޔަހޫދީންގެ 24 ސިފައިން މަރާލުމުން ޔަހޫދީންނަށް ބޮޑު ސިހުމެއް ލިބިއްޖެއެވެ.

ފާއިތުވި ދުވަސްތަކުގައި އިޒުރާއިލުގެ ސިފައިން ހަމަލާތައް ބަދަލުކުރަމުން ދަނީ ހަމާސްގެ އެންމެ ބާރުގަދަ ސަރަހައްދުކަމަށްވާ ޣައްޒާގެ މެދުތެރެއާއި ދެކުނުގެ ސަރަޙައްދުތަކުގައެވެ. އެ ސަރަހައްދުގައި ބަދަލުކުރެވޭ ހަމަލާތަކުގައި ޔަހޫދީ ފައުޖަށް ބޮޑެތި ގެއްލުންތަކެއް ލިބެމުންދާ ވީޑިއޯތަކެއް ޙަމާސްއިން ވަނީ އެކި ފަހަރު މަތިން ޢާންމުކޮށްފައެވެ. އެ ގޮތުން އެ ޖަމާޢަތުގެ މުޖާހިދުން ދަނީ އެ ސަރަޙައްދުގެ ކޮންމެ ޢިމާރާތެއް އަދި ކޮންމެ މަގެއް ހުޝިޔާރުކަމާއި އެކު ދިފާޢުކުރަމުންނެވެ. އެ ގޮތުން ބަދަލުކުރަމުންދާ ޙަމަލާތަކުގައި ޔަހޫދީންގެ 24 މީހުން މަރައިލާފައި ވަނީ އެ މީހުން ތިބި ޢިމާރާތެއް ގޮއްވާލައިގެންނެވެ.

ޔަހޫދީ ޒަޔަނިސްޓު އިޒުރާއިލުގެ ސިފައިންނަށް ލިބެމުންދާ ގެއްލުންތަކުގެ ވާހަކަ އެ ޤައުމުން ނުދެއްކި ނަމަވެސް 24 ގަޑިއރުތެރޭ 24 ސިފައިން މަރުވި ޙަބަރުތައްވަނީ ޔަހޫދީ ނޫސްތަކުން ވެސް ތަފުޞީލުކޮށް ގެނެސްދީފައެވެ.

ފަލަސްތީނުގެ ކުށެއްނެތް މުސްލިމް އަޙުންނާއި އުޙުތުންނާއި ދެކޮޅަށް އިޒުރާއިލްގެ ޒަޔަނިސްޓު ސިފައިން ދެމުން ގެންދާ ރަޙްމެއްނެތް ލާއިންސާނީ ހަމަލާތަކުގައި، ނިކަމެތި މުސްލިމުންގެ 25000 އަށް ވުރެ ގިނަ ނިކަމެތިން ވަނީ ޝަހީދުވެގެން ގޮސްފައެވެ. އެކަމާއި މާބޮޑަށް ކަންތައް ބޮޑުވެ ނުރުހުން ފާޅުކުރާނެ ބައެއް ނެތް ނަމަވެސް ޒަޔަނިސްޓް ޓެރަރިސްޓުންގެ 24 ސިފައިން 24 ގަޑިއިރުތެރޭ މަރުވުމުން ދުނިޔޭގެ ޔަހޫދީ ބޮޑަތި ޤައުމތަކުންވެސް އަންނަނީ ކަންބޮޑުވުން ފާޅު ކުރަމުންނެވެ.

”އިއްޔެ އަކީ އިސްރާއީލުގެ އަސްކަރިއްޔާ އަށް ހިތާމަވެރި ދުވަހެއް. އެއް ދުވަސް ތެރޭގައި ގެއްލެން އެއީ ވަރަށް ގިނަ އަދަދެއްގެ ސިފައިން. އަދި އެމީހުންގެ އާއިލާ ތަކަށާއި ޓީމް މެމްބަރުންނަށް އަހަރެމެންގެ ތައުޒިޔާ ރައްދު ކުރަން.” އެމެރިކާގެ ވައިޓްހައުސްގެ ތަރުޖަމާނު ޖޯން ކާބީ ވައިޓްހައުސްގައި އޮތް ނޫސްވެރިންގެ ބައްދަލުވުމެއްގައި ބުނެފައިވެއެވެ