ގްލޯބަލް ހަންގާ އިންޑެކްސްގައި 121 ގައުމުގެ ތެރެއިން 107 ވަނައިގައި އިންޑިއާ

2022 ވަނަ އަހަރުގެ ގްލޯބަލް ހަންގާ އިންޑެކްސް (ޖީއެޗްއައި) ގައި 121 ގައުމުގެ ތެރެއިން 107 ވަނައިގައި އިންޑިއާ ހިމެނިއްޖެއެވެ.

ޖީއެޗްއައި އިން ނެރުނު ރިޕޯޓުގައިވާ ގޮތުން މިއީ 2021 ވަނަ އަހަރު 101 ވަނައިގައި އަދި 2020 ވަނަ އަހަރު 94 ވަނައިގައި އޮތް އިންޑިއާގެ ރޭންކިން ދަށަށް ދިޔަ ތިން ވަނަ އަހަރެވެ.

މި ރިޕޯޓާއު ގުޅިގެން އިންޑިއާ ސަރުކާރުން ނެރުނު ބަޔާނެއްގައި ބުނެފައި ވަނީ އެ ރިޕޯޓުގައި ބަނޑުހައިހޫނުކަމުގެ ގޯސް މިންގަނޑެއް ބޭނުންކޮށްފައިވާ ކަމަށް ބުނެ ފާޑުކިޔަމުން އަންނަ ކަމަށާއި އިންޑިއާއަކީ ބޮޑެތި މެތޮޑޮލޮޖިކަލް މައްސަލަތަކަކާ ކުރިމަތިލާން ޖެހިފައިވާ ގައުމެއް ކަމަށެވެ.

"މި ރިޕޯޓަކީ ހަމައެކަނި ގްރައުންޑް ރިއަލިޓީއާ ކަނޑާލާފައިވާ ރިޕޯޓެއް ނޫން، ހާއްސަކޮށް ކޮވިޑްގެ ބަލިމަޑުކަމުގެ ތެރޭގައި އާބާދީއަށް ކާބޯތަކެތީގެ ރައްކާތެރިކަން ކަށަވަރުކުރުމަށް ސަރުކާރުން ކުރަމުންދާ މަސައްކަތްތަކަށް ވިސްނުންތެރިކަމާއެކު އިހުމާލުވުން ވެސް އިޚްތިޔާރުކުރަމެވެ." އިންޑިއާ ސަރުކާރުން ނެރުނު ބަޔާނުގައި ބުނެފައި ވެއެވެ.

2019-2021 ވަނަ އަހަރުގެ ތަފާސް ހިސާބުތަކަށް ބަލާއިރު އިންޑިއާގެ އާބާދީގެ 16.3 އިންސައްތަ މީހުންނަކީ ކުޑަކުދިންނެވެ. އިންޑިއާއަކީ ދުނިޔޭގައި ދެވަނައަށް އެންމެ ބޮޑު އާބާދީއެއް އޮންނަ ގައުމަށް ވާއިރު، އެ ގައުމުގެ އާބާދީއަކީ 1.4 ބިލިއަން މީހުންނެވެ.

އިންޑިއާ، ޕާކިސްތާން އަދި އަފްޣާނިސްތާނުން ކޮންމެ ގައުމަކަށް ވެސް 35 ޕަސެންޓާއި 38 ޕަސެންޓާ ދެމެދުގެ އަދަދަކަށް މާކްސް ލިބިފައިވާ އިރު، ދެކުނު އޭޝިއާގެ ގައުމުތަކުގެ ތެރެއިން އަފްޣާނިސްތާނުގެ ރޭޓް އެންމެ ބޮޑު ކަމަށް ޖީއެޗްއައިގެ ރިޕޯޓުގައި ވެއެވެ.