އަލަށް އަޅާ ހަނިމާދޫ އިންޓަރަނޭސަނަލް އެއާޕޯޓް: އިވުނު އަޑާއި ދުއްތަން

މީގެ 3 ވަރަކަށް އަހަރު ކުރިން ރާއްޖޭގެ އެންމެ އުތަރަށް ފުރަތަމަފަހަރަށް ދަތުރެއްކުރީމެވެ. ހއ ގެ ރީތިކަމާއި، ނަލަކަމުގެ ވާހަކައަކީ ގަދަ އަޑެކެވެ. ފޮޓޯތަކާއި، ވީޑިއޯތަކުން ޗާލުކަން ޔަގީންކޮށްދެއެވެ.

ތިން އަހަރު ކުރިން ކުރިދަތުރުން ފެނުނީ ހއ އަތޮޅުގެ ނަލަކާމާ ޗާލުކަމެވެ. ނަމަވެސް އެއަތަޅުގެ މައި ދޮރާށި ފެނުނީ ޒަމާނަށް ނުފެތޭ ވީރާނާވެފައިވާ ތަނެއްގެ ގޮތުގައިއެވެ. ހިދުމަތުގެ ފެންވަރުދަށްވެ، ފޯނު ޗާޖް ކުރަން ހުރި ކަރަންޓް ޕްލަގްގަނޑު ހަލާކުވެ ސޮކެޓް ގަނޑުގައި ޓޭޕް އަޅާފައި ހުރި ތަނެވެ. ދަތުރުވެރިނަށް ލިބިދޭންޖެހޭ އެތަށް އާދައިގެ ހިދުމަތެއް ނުލިބި ހުރިތަނެވެ. ފްލައިޓްތައް ޑިލޭވެ ހެނދުނު ފުރަން އައިމީހުން ރޭގަނޑަށް ފުރުނުތަނެވެ.

އަހަންނަކީ މާ ގިނަ ތަންތަނަށް ނުކުމެ ހަދާ އުޅޭ މީހެއް ނޫމެނޫނެވެ. ނަމަވެސް އޮފީހުގައި ފޫހަރާލައިގެން އިންދާ 136 މިލިއަން ޑޮލަރަށް އިންޑިއާގެ ޖޭއެމްސީ ހަދަން ހަވާލުކޮށްފައިވާ ހދ. ހަނިމާދޫ އިންޓަނޭޝަނަލް އެއާޕޯޓް ތަރައްގީކުރާތަން ބަލާލަންދާ ލިބިއްޖެއެވެ.

އަރާއިން ފްލައިޓް މިއޮތްގެން ގޮސް ހަނީމާދުއަށް ޖައްސަން ކައިރިވަނީއެވެ. ހިތާހިތުން ކިހާވަރަކުން ދާނެބާއޭ ކިއާލަ ކިއާލަ އިނީމެވެ. އެހެން ވެދާންނުންތޯއެވެ. ގައުމުގައި ހިގަމުންދާ ތަރައްގީގެ މަޝްރޫއޫތަށް ލަސްވާ ވާހަކަޔާ، ބައެއްޕްރޮޖެކްޓްތަކުގައި އުވައޮޑީގައި ސިމެންތިގަށައި ދޮލަގުގައި ސިމެންތި އަޅާ ވާހަކަތަށް ރަށުތެރޭ ގިނަވެފައިވާތީއެވެ.

މަތިންދާ ބޯޓްގަނޑު ތިރިކުރަމުންދާ ވަރަކަށް މަންޒަރުތަށް ކުލަވާންފަށައިފިއެވެ.

އާދެ. އެއްކަލަ ވަށައިގެންވާ ރީތި މޫދެވެ. ދެންއޮތީ އެއްބަޔާހަމަޔަށް އަޅާފައިވާ ރަންވޭގެ ބައެކެވެ. ސުވާލުތަކުން ސިކުނޑި ފުރާލާފިއެވެ. އެހެންވާނެއްއެނޫތޯއެވެ. ރަށު މީހުން މިދައްކާ ވާހަކައިން އަހުރެންވާ މިހުރީ ހިތް ގޯސްވެފައެވެ.

ބޯޓުން ފޭބުމަށްފަހު އަހުރެންނާއި، އަހުރެންގެ ރައްޓެހި ނޫސްވެރިން މަސަތްކައް ބަލަން ނުކުމެއްޖައީމެވެ. ފުރަތަމަ ދިޔައީ މިބުނި ބައިގަޑަކަށް އާޅާފައި އޮތް ރަންވޭ މައްޗަށަވެ. ޖޭއެމްސީގެ އިންދިރާ ސިންގްގެ ވާހަކައިން އެގުނީ މި މަސްރޫއަކީ ބުރަ އަދި ގޮންޖެހުން ބޮޑު ޕްރޮޖެކްޓެއްކަމެވެ. ބައިގަނޑަކަށް އަޅާފައި މިއޮތީ 2،465 މީޓަރުގެ ރަންވޭގެ އެއްބައްކަމަށެވެ. މުޅި ރަންވޭ އަޅަނީ ތިންބަޔަކަށް ބާހާލައިގެންނެވެ. އެއީ މިހާރުވެސް ހަނިމާދު އެއާޕޯޓަކީ ފުލް ކެޕޭސިޓީގައި ބޭނުންކުރަމުންދާ ތަނަކަށްވެފައި މިހާރު ބޭނުންކުރަމުންދާ ރަންވޭ އޮތީ އަލަށް އަޅާ ރަންވޭގެ މެދުގައިކަމަށްވާތީއެވެ.

އެންބޯ މަޑިއެއްހެން ދުރަށްފެންނަ ޕެސަންޖަރ ޓާމިނަލް ބެލިއްޖެއެވެ. އެތަނުން އަހަރަކު 1.3 މިލިއަން މީހުނަށް ހިދުމަތްދެވޭނެއެވެ. ބެގޭޖު ބެލްޓުތަށް މަދުނުވާވަރަށް ހުންނާއެވެ. އިންޓަނޭޝަނަލް އަދި ޑޮމެސްޓިކް ދަތުރުވެރިންނަށް ވަކިވަކިން ނުކުމެވޭނެ ފަސޭހަ ދޮރާށިތަކެއް ހުރެއެވެ. އަދި އެވެރިންގެ ފޮށިތަންމަތި ނޯޅެނެގޮތަށް ވަކިން ހޭންޑްލް ކުރެވޭނެއެވެ. ބޮޑު ޗެކިން ހޯލަކާ ވީވީއައިޕީސް އަށް ހާއްސަ ޓާމިނަލެއްވެސް ގާއިމްކުރެވޭނެއެވެ އަދި މުޅިން އަލަށް އަޅާ ޒަމާނީ ސީޕްލޭން ސަރަހައްދެއް އޮންނާނެއެވެ.

ރަންވޭ އެއަޅަނީ ވެލާނާ އެއާޕޯޓުގައި ޖެއްސި ކަހަލަ އޭ 320 އަދި ބޮއިން 737 ބޯޓުތަށް ޖެއްސޭނެހެނެވެ. އެ ބޯޓްތަކަށް އަޅާނެ 1.6 މެޓްރިކް ޓަނުގެ ޖެޓް ފިއުލް ފާމެއް އެޅިގެންދާނެއެވެ. ބޯޓްތަށް މަރާމާތު ކުރުމަށްޓަކައި ޒަމާނީ ހެނގަރެއްގެ އިތުރުން ބޯޓްތަށް ޕާކްކުރާނެ ދެ އޭޕްރަން ހުންނާނެއެވެ.

އާރުއޭސީއެލްގެ ވިސްނުން: ކޮލިޓީ ކޮމްޕުރޮމައިސް ނުކުރުން

ހަލުވި ދުވެލީގައި ކުރިއަށްދާ ހދ ހަނިމާދޫ އާ އެއާޕޯޓް އެޅުމުގެ މަސްރޫއަކީ ރާއްޖޭގެ އަތޮޅެއްގައި ކުރިއަށްދާ އެންމެ ބޮޑު ތަރައްޤީގެ މަސައްކަތެވެ. އަދި މިއީ ސަރަހައްދުގެ ތަރައްޤީއަށް މުހިންމު، އަވަހަށް ބޭނުންވާ ޕްރޮޖެކްޓެކެވެ. މި ސައިޓުން އަހަންނަށް ފެންނަނީ ޖޭއެމްސީން ރޮކެޓް ސްޕީޑުގައި ހުޅުމާލެގައި އަޅަމުންދާ ފްލެޓްތަކުގެ ވެސް ސްޕީޑެވެ. އަވަހެވެ. ހަމައެއާއެކު ރީޖަނަލް އެއާޕޯޓުން ތިބީ ފެންވަރު ގެއްލޭގޮތައް މަސައްކަތް ކުރުމަށް ފުރުސަތުދޭގޮތައް ނޫންކަންވެސް ފެނުނެވެ. އެ ޔަޤީންކަން މި ޓުވާގައި ބައިވެރިވި އެއާޕޯޓުގެ އިސްވެރިންވެސް ދެއްވިއެވެ. އަދި އެކަން އަހަންނާއެކު ބައިވެރިވި ނޫސްވެރިންނަށްވެސް ފެނިފައިވެއެވެ.

ރީޖަނަލް އެއާޕޯޓުން ދެއްވި ޔަގީންކަމަކީ ޕްރޮޖެކްޓް ނިމޭއިރުވެސް ތަންހުންނާނީ ޒަމާނީ ސްޓޭންޑަށްކަމަށެވެ. ޖޭމްސީގެ އަމާޒަކީވެސް އެއީވެ. މާނައަކީ އުވައޮޑީގައި ސިމެންތި ގަށާ ދޮލަގުގައި ސިމެންތި ނާޅާނެއެވެ. އަޅަމުންދާ ނަލަ އަދި ޗާލު އެއާޕޯޓް އަޅަމުންދާނީ ރައްޔިތުންނަށް ޔަގީންވާ ކޮލިޓީގަކަމަށެވެ.

ބަލަންހުރި ތަންތަށް ބާލާނިމިއްޖެއެވެ. ކުރި ހުރިހާ ސުވާލަކަށް އެބޭފުޅުން ޖަވާބުދިނެވެ.

އާންމުންގެ އަދި ހދ އަތޮޅުމީހުންގެ އެންމެ ބޮޑު ސުވާލަކަށްވާނީ، މި މަޝްރޫއު ނިމޭނީ ކިހާދުވަހަކުން ބާއެވެ. މުއްދަތަށް ނިމޭނެބާއެވެ. މިތަނުން އިވުނުއަޑާ ދުއްތަން ވަރަށްވެސް ތަފާތެވެ. ކޮލީޓީ ހިފަހައްޓަން އާރުސީއެލް އޮތީ ތަންކޮޅެއްވެސް ދޫދޭ ގޮތަކަށް ނޫނެވެ. ޕްރޮޖެކްޓްގެ ސްޕީޑް އޮތީ ތާވަލަށްވުރެން ކުރީގައެވެ

50 ޕަސެންޓަށް ވުރެން ބޮޑުބައި ވަނީ ނިމިފައެވެ. އެހެންކަމުން 2024 ވަނަ އަހަރު އޮކްޓޫބަރ އަށް ނިންމާލެވޭނެއެވެ.

ދެން އޮތީ ބޮޑު ސުވާލެވެ. ރައްޔިތުންނަށް ވާނީ ކޮން ފައިދާއެއްބާއެވެ. މިހާރުވެސް އާރްސީއެލްގެ ހުރިހާ މުވައްޒަފުނަކީވެސް ދިވެހިންނެވެ. އާ އެއާޕޯޓާއެކު ހާހަކަށްވުރެ ގިނަ ވަޒީފާ އުފެދޭނެއެވެ. އަދި އެއާއެކު އެ ސަރަހަދުގެ ހުރިހާ ރައްތަކަށް އިގްތިސާދީ ކުރިއެރުން ލިބިގެންދާނެއެވެ. އާރުސީއެލް އަމާޒަކީ އެއާޕޯޓަށް އެ އަތޮޅުން މުވައްޒަފުން ނެގުމެވެ.

އާ އެއާޕޯޓާއެކު އަދި އިތުރުކަމެއް ފުރިހަމަވާންޖެހެއެވެ. އެއީ ހދ އަދި ހއ އަތޮޅުގެ ޓުއަރިސްޓް އެނދުގެ އަދަދު އިތުރުވާންޖެހެއެވެ. ދުވާލަކަށް ހަނިމާދޫ އެއާޕޯޓަށް އަންނަ 200 މީހުގެ އަދަދު 900 އަށްވުރެން މަތިވެގެން ނޫނީ އެއާޕޯޓްގެ ފުރިހަމަ ފައިދާ ރައްޔިތުންނަކަށް ނުވަތަ އާރުސީއެލް އަކަށް ނުކުރާނެއެވެ. މިހާރު އެސަރަހައްދުގެ އެދުތަކުގެ އަދަދު އުޅެނީ 1500 ގައެވެ. އެއީ ހއ އަދި ށ އަތޮޅުވެސް ހިމަނައިގެންނެވެ.